Nshɛ 129:5 - EBƆRƐ BE KAWƆL

⁵ Ebɔrɛ e shin nɛ bekama nɛ b kishi Jerusalɛm nɛ k yil Zayɔn be kebee so na e ji anishinyɔr nseŋ bɛta bumo be ayamu so n shile.

Nshɛ 129:5 ပူးပေါင်းရင်းမြစ်များ

Nehemaya 6:16

Anyi doŋana nɛ b wɔ efuli pɔtɛ so na ka nu loŋ nɛ kufu pɛ bumo, ŋkpal ekama na ka pin fanɛ Ebɔrɛ be kechɛto so nɛ kushuŋ na tiŋ n loge.

Ɛsta 6:13

n ya kaŋɛ mbe eche nɛ mo teriana kusɔ nɛ k nya mo kikɛ. Ndoŋ nna nɛ mbe eche nɛ mo teriana na kaŋɛ mo le: “Mɔdikaya ka la Juw be esa ere bre fo maaŋ tiŋ m pɔɔ mo so kikɛ. Baa nyi fanɛ fo eleŋ baa fo ekar nna na. Feeŋ ki esa fuloŋ.”

Ɛsta 9:5

Ŋkpal loŋ so Juwebi na daŋ wora bumo doŋana na kusɔ k par bumo nna nseŋ ta etokobi m mɔ bumo kikɛ.

Nshɛ 122:6

Men kule kayurwushi n sa Jerusalɛm; saŋɛ na so, asheŋ beeŋ nite nɛnɛ n sa bekama nɛ b kɔ kasha n sa kumo na.

Nshɛ 40:15

Shin nɛ anishinyɔr gboŋgboŋi e pɛ bekama nɛ baa kaŋɛ ma le na: “Men keni kananɛ e ki a.” Nɛ kufu e pɛ bumo nɛ b baa chicha.

Nshɛ 71:13

Shin nɛ basa nɛ baa fin ma nɛ luwu na e kɔ n tɔr nseŋ mur. Nseŋ shin nɛ basa nɛ baa kɔrfɛ ma e ŋaba n ji anishinyɔr.

Aizaaya 10:12

Kumo be kaman nɛ Enyɛnpe Ebɔrɛ na kaŋɛ: “Ŋ kaŋ loge kusɔ nɛ mee wora kebee nɛ baa tre Zayɔn na so nɛ Jerusalɛm to, meeŋ gberge Asiriya be efuli so be ewurgboŋ kusoe ŋkpal mbe mpuchi nɛ kamoowu kikɛ so.”

Aizaaya 29:8

Efuliana nɛ a beeŋ gama abar so a kɔ Jerusalɛm na beeŋ baa du fanɛ esa nɛ akoŋ bee mɔ nɛ e ku edare fanɛ e kaa bee ji nseŋ yeŋi n tiŋi na nna. Ŋko achukoŋ ka bee mɔ esa nɛ e ku edare fanɛ e kaa bee nuu nchu nseŋ yeŋi n tiŋi nɛ mbe ebɔlto kraŋ wɔlto na nna.

Aizaaya 37:22

nɛ Enyɛnpe Ebɔrɛ na malga a laŋɛ mbe kabɔrɛkule na be kaplɛa so. E yɛ: “Sennakerɛb, Jerusalɛm be basa bee mushe fo nna nsaa fɛl fo a keni fo jiga.

Aizaaya 37:35

Meeŋ kuŋ kadegboŋ na ŋkpal ŋ gbagba be kemaŋkura nɛ kɔnɔ nɛ n nase n sa ma kayɛrbi Deevid nɛ e daa la ewura ashi Jerusalɛm to jemanɛ ko na so.’ ”

Maika 4:11

Efuli damtaana gama abar so nna nɛ b kɔ menyi kena. B yɛ: “A daga fanɛ Jerusalɛm ka mur! Anyi be kenishi pere nna a fin kewu kumo be ŋaba.”

Zakareya 12:3

Ama loŋ be jemanɛ na kaŋ fo, meeŋ shin nɛ Jerusalɛm e ki fanɛ kejembu gbɛgbɛso, nɛ efuli kama so ebi maaŋ tiŋ n fifir kumo. Bekama nɛ b wora ania nɛ b fifir kumo beeŋ doro bumo be amu.

Zakareya 12:6

Jemanɛ na kaŋ fo, meeŋ shin nɛ Juda be efuli so be benimuana na e ki fanɛ edɛ ashi kupo to ŋko aboyu nɛ a wɔl a yil to. Baaŋ mur efuliana nɛ e kulti bumo na kikɛ. Ama shɛŋ maaŋ wora basa nɛ b wɔ Jerusalɛm be kadegboŋ na to na bre.

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.