Nshɛ 125:1 - EBƆRƐ BE KAWƆL

¹ Bekama nɛ b yirda Enyɛnpe Ebɔrɛ na, du fanɛ Zayɔn be kebee na nna ashi Jerusalɛm to, nɛ k maa gbuŋgbuŋ na nna. K yil nna mbaanaayɔ.

Nshɛ 125:1 ပူးပေါင်းရင်းမြစ်များ

1 Kronikɛls 5:20

B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Nshɛ 120:1

M baa wɔ tɔrɔ to, Enyɛnpe Ebɔrɛ na nɛ mee kule nɛ e bee nu ma kekule.

Nshɛ 121:1

N to kenishi ŋ keni abee so; Nnɛ nɛ ma kechɛto bee shi a ba?

Nshɛ 122:1

Ma kagbene daŋ fuli nna ga ŋkpal b ka kaŋɛ ma le so: “An yɔ Enyɛnpe Ebɔrɛ na pe!”

Nshɛ 123:1

O an Nyɛnpe Ebɔrɛ, ma anishi yuu fo, nɛ fo kuwurputi wɔ ebɔrɛso na so nna.

Nshɛ 124:1

Men shin nɛ Israɛl be basa e kaŋɛ le: Enyɛnpe Ebɔrɛ na daa maa wɔ anyi be kaman nna; manɛ nɛ anyi daa beeŋ wora?

Nshɛ 147:11

Basa nɛ baa bunyaŋ mo nɛ bumo nɛ bumo be yirda wɔ mbe kasha nɛ k maa chɛrga na so be asheŋ e naa par mo nsaa fuli mbe kagbene.

Nshɛ 20:8

Loŋ be basa na beeŋ fiti n tɔr, ama anyi ere baa yil nna kiŋkiŋ. Shɛŋ shɛŋ maa gbuŋgbuŋ anyi.

Nshɛ 25:2

Ma Ebɔrɛ, fo nɛ n yirda. Sa maŋ shin nɛ n ji anishinyɔr, ŋko n shin nɛ ma doŋana e pɔɔ ma so.

Nshɛ 25:8

Ŋkpal Enyɛnpe Ebɔrɛ ka walɛ nɛ mbe asheŋ woraso niŋi ekpa so, e bee ŋini alubiworapoana mbe ekpa nna nɛ b bɛ so.

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Nshɛ 34:22

Enyɛnpe Ebɔrɛ na beeŋ mɔlga mbe basa. E beeŋ kuŋ bekama nɛ baa fin kekuŋ ashi mo kutɔ na.

Nshɛ 46:5

Ŋkpal Ebɔrɛ ka wɔ kadegboŋ na to so, shɛŋ shɛŋ maa gbuŋgbuŋ kumo. Kachipurdidi kikɛ e bee chɛ kumo to nna.

Nshɛ 46:6

Nɛ efuli pɔtɛana bee baga to, nɛ kuwurjiana bee tɔr, nɛ Ebɔrɛ ponte nɛ kasawule ŋalga gba,

Nshɛ 62:2

Mo e la kefaltagboŋ nɛ emɔlgapo. Mo e la ma ekuŋkpa lempo a kuŋ ma.

Nshɛ 62:3

Nchɛ afanɛ nɛ menyeeŋ ta m bri esa? Menyeeŋ yili egbal nɛ k kulti ere so n ta mo n lɛ to a?

Nshɛ 62:6

Mo nawule e la ma kefaltagboŋ nɛ ma emɔlgapo. Mo e la maa ekuŋkpagboŋ, amoso ma lɔ kufu.

Nshɛ 62:7

Mo e naa mɔlga ma nsaa sa ma kemaŋkura. Mo e la kefaltagboŋ nɛ mee nya kekuŋ ashi kumo so na.

Aŋasa 10:25

Afugboŋ bee ba nna m ba kaa ber alubiworapoana a lɛ, ama beshenteŋjipo bre bee nya kumɔlga nna saŋkama.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 14:32

Nɛ fanɛ kabɔ ko shi Filisti be efuli so m ba menyi kutɔ, a daga fanɛ men kaŋɛ mo le: “Enyɛnpe Ebɔrɛ na e pɔr Zayɔn, nɛ mbe basa to be etirpo gba e nya a wɔ ndoŋ nɛ shɛŋ maaŋ tɔrɔ mo.”

Aizaaya 26:3

Enyɛnpe Ebɔrɛ na e naa sa basa nɛ bumo be yirda yil to kpakpa na kayurwushi gbagba.

Aizaaya 26:4

Amoso an baa yirda Enyɛnpe Ebɔrɛ na saŋkama, nɛ e baa la fanɛ kefalta a kuŋ anyi saŋkikɛ.

Aizaaya 51:11

Naniere bre basa nɛ fo kɔ n suge na beeŋ bɛta n yɔ Jerusalɛm to nɛ kagbenewushi, baaŋ baa boŋ nshɛ kagbenefuliso nna a yɔ ndoŋ. Bumo be ŋgbene beeŋ fuli bumo mbaanaayɔ. Kagbenejija nɛ kebɔltofinfin maaŋ naŋ pɛ bumo.

Aizaaya 51:16

Ma e ŋini menyi kamalga nseŋ ta ma enɔana a kuŋ menyi. Ma nɛ n to esoso nɛ kasawule na e kaŋɛ basa nɛ b wɔ Jerusalɛm to fanɛ b la ma basa nna!”

Aizaaya 51:8

Ŋkpal manɛ so, baaŋ foe menyi be anishi so fanɛ kaŋkaŋ ka ji wajɛ m mur nɛ esa maaŋ naŋ wu kumo na. Ama ma kumɔlga beeŋ baa wɔtɔ mbaanaayɔ. Nɛ ma kekɔmpɔɔso be eleŋ na malɛ e baa wɔtɔ saŋkama.”

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Obadaya 1:21

Zayɔn to be bekɔmpɔɔsopoana beeŋ ya kɔ Edɔm m pɔɔ kumo so nsaa ji kuwura kumo so. Enyɛnpetale malɛ gbagba e naaŋ ki bumo be ewura.”

Maika 4:2

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee na so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ mo alɛ bee shi Zayɔn be kebee so a malga a sa mbe basa.”

Zakareya 1:14

Nɛ malaika na malɛ kaŋɛ ma fanɛ m ber kusɔ nɛ Enyɛnpetale Ebɔrɛ na kaŋɛ na be kubomboŋ. E yɛ: “Mee sha Jerusalɛm nɛ k la ma kadegboŋ cheembi na alegaiso,

Zakareya 1:17

Kumo be kaman nɛ Malaika na naŋ kaŋɛ ma fanɛ Enyɛnpetale Ebɔrɛ na yɛ: “Ma ndegboŋana na beeŋ naŋ dii dama. Ma alɛ beeŋ naŋ chɛ Jerusalɛm to nseŋ naŋ sɔ kumo ŋ ki ŋ gbagba be kadegboŋ.”

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

Kelaraŋŋini 14:1

Nɛ n naŋ keni n wu Kpakpafɔlbi na ka yil Zayɔn be kebee so. Mo nɛ basa ŋgboŋ kalfa nɛ ŋgboŋ adena nɛ ŋgboŋ ana nɛ b daŋ sibɛ mbe ketre nɛ mo Tuto na be ketre n deŋi bumo be nsɔto so na e daa yil.