Nshɛ 123:4 - EBƆRƐ BE KAWƆL

⁴ Kamoowuwuraana wora anyi eyurto, nseŋ fɛl anyi n chɛr nɛ an wora ania n ji kumo be kanyiti.

Nshɛ 123:4 ပူးပေါင်းရင်းမြစ်များ

Nehemaya 2:19

Sanballat nɛ Tobaya nɛ kalɔrbunyɛn ko nɛ baa tre mo Gɛshem ka nu kusɔ nɛ an kre kewora na be asheŋ nɛ b mushe anyi ga nseŋ kaŋɛ: “Manɛ nɛ menyee fɛ fanɛ menyee wora ere? Menyee sha kelɔŋɛ kadegboŋ na be egbalana nna m pɔr nseŋ lar ewura kaman ŋ kɔ mo kena, ŋko?”

Job be kawɔl 12:5

Nɛ esa baa maŋ wɔ etɔrɔ kikɛ to, k maŋ du kpakpa n sa mo nɛ kemalga ŋ gbiti esa nɛ e bee ji awurfoŋ.

Job be kawɔl 16:4

Nɛ fanɛ fo e daa wɔ kebaawɔtɔ nɛ n wɔ kumo to ere, nɛ ma alɛ wɔ kumo nɛ fo wɔtɔ to ere, ma alɛ gba daa beeŋ tiŋ a malga kananɛ fee malga ere. N daa beeŋ tiŋ n nya kusɔ ko m malga ŋ gbiti fo nseŋ keni fo n fifi kumu fanɛ kananɛ fee wora ere.

Nshɛ 119:51

Kamoowuwuraana bee wora ma eyurto nna, ama ma alɛ maŋ lar fo mbra kaman.

Aizaaya 32:11

Men daa wɔtɔ nna fanɛ shɛŋ ka maŋ tir menyi, ama naniere men shin kufu e baa kɔ menyi nɛ men baa chicha! Men gbaŋ menyi be asɔbuuso n lɛ nseŋ ta keeli be asɔbuuso m buu.

Aizaaya 32:9

Menyi beche nɛ men wɔtɔ a maa wora shɛŋ nsaa ji kananɛ menyee sha fanɛ kusɔ ko ka maŋ tir menyi na, e kaŋ asoe n nu kusɔ nɛ mee kaŋɛ ere.

Jɛremaya 48:11

Ade be kaman nɛ Enyɛnpe Ebɔrɛ naŋ kaŋɛ: “Mowab be basa wɔtɔ nna nɛ shɛŋ maa tɔrɔ bumo. Bumo alɛ maŋ naŋ yɔ kenyaya to ashi efuli pɔtɛ wɔfɔ so kikɛ. Mowabebi na du fanɛ yabra nɛ a yil nɛ b maa baga amo to ŋko a chulgi amo a wɔtɔ a wɔtɔ mpuya to nna. Amo be efɛ maa chɛrga, amo be ebel malɛ baa du kananɛ a du nna.

Jɛremaya 48:27

Mowab be basa, men baa nyiŋi kananɛ men daŋ wora Israɛl be basa eyurto. Men daŋ wora bumo nna fanɛ b ka la beyu nɛ besugepo na.

Jɛremaya 48:29

N nyi kananɛ Mowab be basa bee wu bumo be amu nseŋ kpeŋ nsaa ŋini to fanɛ bumo ere e baa la basa a chɔ bekama.

Eemɔs 6:1

Asheŋ maaŋ nyalɛ n sa menyi nɛ shɛŋ shɛŋ maŋ tir menyi ashi Jerusalɛm, nɛ menyee fɛ fanɛ men nya kekuŋ ashi Samɛria be kade to ere. Asheŋ maaŋ nyalɛ n sa menyi Israɛl be efuli lempo be bunyaŋwuraana, nɛ basa bee kaa ba menyi kutɔ m ba kaa fin kechɛto na!

Ashuŋ Shunso 17:21

Atens be ndetoebi kikɛ nɛ befɔana na daa maa kɔ wale she kebaatase a nu ŋko a kaŋɛ abar ebaru popɔr nɛ b nu be asheŋ so so nɛ b daŋ kaŋɛ loŋ na.

Ashuŋ Shunso 17:32

B ka nu Pɔɔl ka malga ketiŋi luwu to be asheŋ na nɛ bumo be beko wora mo eyurto nɛ beko malɛ kaŋɛ: “Anyi ere kraa sha kenamba n nu fo kamalga na.”

Ashuŋ Shunso 26:24

Pɔɔl ka yili a malga le a kuŋ mbe kumu na nɛ Fɛstes ponte mo so ŋ kaŋɛ: “Pɔɔl, keyeŋiyeŋi e kɔ fo na. Fo kawɔl be kenyi damta ere e naa shin nɛ keyeŋiyeŋi tɔr fo so na.”

1 Kɔrintebi 4:13

B baŋ tege anyi, anyee malga bumo kutɔ kashaso nna. Hale m ba fo kabre an du fanɛ durnya ere to be eyurpi nna, kumo be kumuni.

1 Samuɛl 17:42

keni n wu fanɛ e la kabrantiɛbia nna nsaa walɛ kayɛrbi, nɛ e wora mo eyurto