Nshɛ 122:1 - EBƆRƐ BE KAWƆL

¹ Ma kagbene daŋ fuli nna ga ŋkpal b ka kaŋɛ ma le so: “An yɔ Enyɛnpe Ebɔrɛ na pe!”

Nshɛ 122:1 ပူးပေါင်းရင်းမြစ်များ

Nshɛ 119:111

Fo mbraana na la ma mpetɛsɔ nna mbaanaayɔ; amo e naa shin nɛ ma kagbene bee fuli ma.

Nshɛ 120:1

M baa wɔ tɔrɔ to, Enyɛnpe Ebɔrɛ na nɛ mee kule nɛ e bee nu ma kekule.

Nshɛ 121:1

N to kenishi ŋ keni abee so; Nnɛ nɛ ma kechɛto bee shi a ba?

Nshɛ 123:1

O an Nyɛnpe Ebɔrɛ, ma anishi yuu fo, nɛ fo kuwurputi wɔ ebɔrɛso na so nna.

Nshɛ 124:1

Men shin nɛ Israɛl be basa e kaŋɛ le: Enyɛnpe Ebɔrɛ na daa maa wɔ anyi be kaman nna; manɛ nɛ anyi daa beeŋ wora?

Nshɛ 125:1

Bekama nɛ b yirda Enyɛnpe Ebɔrɛ na, du fanɛ Zayɔn be kebee na nna ashi Jerusalɛm to, nɛ k maa gbuŋgbuŋ na nna. K yil nna mbaanaayɔ.

Nshɛ 126:1

Enyɛnpe Ebɔrɛ ka daŋ bɛta anyi n shi kenyaya to m ba Jerusalɛm to, k daŋ wora anyi nna fanɛ edare nɛ anyee ku.

Nshɛ 127:1

Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna.

Nshɛ 128:1

Enyɛnpe Ebɔrɛ na beeŋ nɛfa ekama nɛ e bee nu a sa mo nsaa wora asheŋ a bɛ mbe mbra be ekpa so na.

Nshɛ 129:1

Ma kebia to kikɛ, bedoŋ baa kɔ ma nna! Amoso ekama nɛ e wɔ Israɛl e kaŋɛ le:

Nshɛ 130:1

O Enyɛnpe Ebɔrɛ, tɔrɔ damta to nɛ n wɔ shu a tre fo.

Nshɛ 131:1

O Enyɛnpe Ebɔrɛ, n yige ma kamoowu kikɛ nseŋ lar ma keŋkenshi kikɛ nyam to. M maŋ naa ta ma kumu a wɔtɔ asheŋgboŋ to, ŋko emamachisheŋ nɛ m maaŋ tiŋ m pin to to.

Nshɛ 132:1

O Enyɛnpe Ebɔrɛ, baa nyiŋi Ewura Deevid nɛ awurfoŋ nɛ e ji na kikɛ be asheŋ.

Nshɛ 133:1

Kekurge koŋwule to be basa be kechena abar so kashaso nɛ kɔnɔkoŋwuleso walɛ ga.

Nshɛ 134:1

Menyi nɛ men la Enyɛnpe Ebɔrɛ na be nyɛrbi a shuŋ mo ashi mbe bɔrɛlambu to kanyɛso na e baa di mo epaŋ.

Nshɛ 26:8

Mee sha fo bɔrɛlambu na, nɛ kakpa nɛ fo kemaŋkura wɔ ga na.

Nshɛ 42:4

M baŋ nyiŋi kananɛ n daa juŋkpar basa nɛ baa bɛ abar so a yɔ fo bɔrɛlambu to nsaa cha awɔr a boŋ nshɛ kagbenefuliso a bunyaŋ fo na, ma kagbene bee jija alegaiso nna.

Nshɛ 55:14

nɛ ma nɛ mo bee ji kakurge, nsaa tu m braana a yɔ anyi be Ebɔrɛ be lambu to na e naa wora ma loŋ.

Nshɛ 84:10

Keji kachɛ koŋwule ashi fo bɔrɛlambu to bɔ keji nchɛ kagboŋ ashi kakpa pɔtɛ. Ŋ ka yili ma Ebɔrɛ be lambu be kabuna to bɔ ŋ ka wɔ kumukpakpasowura pe.

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”

Jɛremaya 31:6

Kashenteŋto, jemanɛ ko bee ba nɛ basa nɛ b yil Efrayim be apreŋ so a keni ma ekpa na e boŋ to ŋ kaŋɛ le: ‘Men shin nɛ an dii n yɔ Enyɛnpe anyi be Ebɔrɛ na kutɔ ashi Zayɔn be kebee na so n ya bunyaŋ mo.’ ”

Ezikɛl 46:10

Jemanɛ nɛ basa na bee luri na a daga fanɛ ewura na gba e luri nseŋ na ŋ lar jemanɛ nɛ basa na naa lar na.

Maika 4:2

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee na so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ mo alɛ bee shi Zayɔn be kebee so a malga a sa mbe basa.”