Nshɛ 12:5 - EBƆRƐ BE KAWƆL

⁵ Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 12:5 ပူးပေါင်းရင်းမြစ်များ

Job be kawɔl 5:15

Ama Ebɔrɛ e naa mɔlga basa nɛ asheŋ tir na ashi kumukpakpaso wuraana be nnɔ to be mmalga nɛ belempo be eleŋ to nɛ belempo be kɔrfɛ to.

Job be kawɔl 5:21

Mo e naŋ kuŋ fo ashi basa nɛ baa jija fo kutɔ, nseŋ mɔlga fo ashi kemur kama nɛ k bee ba fo so to.

Nshɛ 10:12

Enyɛnpe Ebɔrɛ, wora kusɔ ko. Maŋ fo enɔ lempo na so n chɛ bumo nɛ b maaŋ tiŋ n chɛ bumo be amu to na to.

Nshɛ 10:18

Fo e naa kuŋ amunibi nɛ basa nɛ baa mɛaŋ na; saŋɛ na so, dimɛdi nɛ e la shishɛr na maaŋ naa tɔrɔ mo braana n shin nɛ kufu e baa pɛ bumo ga.

Nshɛ 10:5

Ama saŋkikɛ asheŋ bee nite nɛnɛ nna a sa bumo. Bumo be shɛŋ maŋ wɔ fo mbra to; bumo alɛ naa keni bumo doŋana jiga nna saŋkikɛ.

Nshɛ 31:19

Fo kelela shi m baŋ so; nɛ fee sha kebaawora basa nɛ baa ŋana fo kelela. Ekama nyi fo kelela nɛ kananɛ fee kuŋ basa nɛ b yirda fo.

Nshɛ 34:6

Mo nɛ betentaŋasepo bee shu a tre, nɛ e bee nu bumo be kushu, nsaa mɔlga bumo ashi bumo be etɔrɔ to na.

Nshɛ 73:8

Baa tege basa nna nsaa malga mmalga jiga, nseŋ naa kre beko be kamɛaŋ kamoowuso.

Ɛksodɔs 5:2

Ndoŋ nna nɛ ewura Fɛɛro bishi bumo le: “Wanɛ e la Enyɛnpe Ebɔrɛ ere nɛ k daga fanɛ n nu n sa mo n shin nɛ Israɛlebi e yɔ? Ma ere maŋ nyi Enyɛnpe Ebɔrɛ kama, ma alɛ maaŋ shin nɛ Israɛlebi na e yɔ.”

Aŋasa 14:31

Esa nɛ e bee mɛaŋ betirpo maa sa Ebɔrɛ nɛ e to bumo na bunyaŋ nna na, ama esa nɛ e bee wu betirpo kuwɔr bre bee bunyaŋ Ebɔrɛ nna.

Aŋasa 18:21

Atugebi beeŋ tiŋ m mɔ esa, ŋko n sa mo ŋkpa; Esa kama malɛ beeŋ nya mbe m malga be kakɔka.

Kaŋinichiŋgeliŋ 4:1

Ade kikɛ be kaman nɛ n naŋ keni n wu fanɛ keji asheŋ nɛ amo be ekpa so maŋ naa wɔ durnya to. Basa nɛ b wɔ kamɛaŋ to na bee shu anishichubi nɛ esa kama maa chɛ bumo to, ŋkpal basa nɛ baa mɛaŋ bumo na ka kɔ eleŋ a chɔ bumo so.

Kaŋinichiŋgeliŋ 5:8

Fo baŋ wu abane be ekrachi ka bee tɔrɔ mbe efuli so be betirpo nsaa ji bumo durmu, sa maŋ shin nɛ k baa chinchiŋ fo, ŋkpal manɛ so ekrachi wurbi na bee wora a bɛ bumo be benimu be nnɔ so nna.

Aizaaya 19:20

Ade kikɛ beeŋ baa nyiŋi Ijiptebi na fanɛ Enyɛnpetale Ebɔrɛ na wɔ bumo kutɔ. Nɛ b kaŋ luri asheŋ to nseŋ kule Enyɛnpe Ebɔrɛ na a fin kechɛto, e beeŋ shin nɛ esa ko e ba kɔ m mɔlga bumo ashi bumo doŋana be enɔ to.

Aizaaya 33:10

Ndoŋ nna nɛ Enyɛnpe Ebɔrɛ na kaŋɛ efuli pɔtɛana na le: “Naniere meeŋ wora kusɔ ko ŋ ŋini ma eleŋgboŋ.

Ezikɛl 18:18

Mo tuto gbagba e naŋ wu ŋkpal mbe kapuni nɛ kasuge nɛ asheŋ lubi so.

Hoziya 7:16

B shile ma, Enyɛnpetale Ebɔrɛ na kutɔ nna n ya buu kegbir nɛ k maŋ kɔ eleŋ kikɛ na. B du fanɛ keta nɛ esa maaŋ tiŋ n ta mbe yirda n deŋi so na nna. Ŋkpal bumo be bejuŋkparpo ka bee malga ŋkpensheŋ so so, baaŋ wu luwu nyaŋnyaŋso nɛ Ijiptebi e mushe bumo.”

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.

Demujipoana 10:16

Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.