Nshɛ 12:3 - EBƆRƐ BE KAWƆL

³ Enyɛnpe Ebɔrɛ, shin nɛ kafule be mmalga belbelso na e ku, nɛ adonduloŋ nɛ a bee ji njɔŋ a kaŋɛ fanɛ

Nshɛ 12:3 ပူးပေါင်းရင်းမြစ်များ

Job be kawɔl 32:22

Ma ere maŋ nyi kananɛ baa ku efɛ a fur basa. N wora loŋ, Ebɔrɛ nɛ e to ma na beeŋ gberge ma kusoe epul to.”

Nshɛ 116:11

Jemanɛ nɛ kufu daa kɔ ma gba, m maŋ ta ma yirda n deŋi esa kikɛ so.

Nshɛ 140:12

Enyɛnpe Ebɔrɛ, n nyi fanɛ fo e naa kɔ a sa betirpo, nsaa shin nɛ betentaŋasepo bee nya asɔ nɛ a daga bumo.

Nshɛ 17:10

B maa wu kuwɔr nsaa ji njɔŋ.

Nshɛ 55:22

Enyɛnpe Ebɔrɛ, an la fo basa nna nsaa kaŋɛ fo asheŋ nɛ a tir anyi. Fo alɛ maaŋ shin nɛ an kɔ n tɔr.

Ɛksodɔs 15:9

Edompo na daŋ ji njɔŋ nna ŋ kaŋɛ: ‘Meeŋ ju m buu bumo so n ya pɛ bumo nseŋ barga bumo be asɔ to n ta amo nɛ mee sha kikɛ. Meeŋ pee ma tokobi m mɔ bumo.’

Aŋasa 18:21

Atugebi beeŋ tiŋ m mɔ esa, ŋko n sa mo ŋkpa; Esa kama malɛ beeŋ nya mbe m malga be kakɔka.

Aŋasa 26:24

Esa lubi be kamalga belbelso so, b maa pin fanɛ e kɔ nfɛra lubi.

Aizaaya 10:10

Agbirana nɛ a wɔ Jerusalɛm nɛ Samɛria be ndegboŋ to na maŋ shi n fo amo nɛ a wɔ efuli lempoana na to so. Ma alɛ beeŋ mur Jerusalɛm nɛ agbirana kama nɛ a wɔ kumo to na fanɛ kananɛ n wora Samɛria na.”

Aizaaya 59:4

Men baŋ yɛra asheŋ demujikpa gba, men maa nya kashenteŋ ashi menyi be edemu be keji to. Efɛ nɛ menyee ku a ji lar edemuji na to. Basa be keji awurfoŋ be ŋkre e wɔ menyi to nɛ menyee wora a bɔlɔ so.

Jɛremaya 12:6

Fo kurgepoana nɛ fo kanaŋ to be basa kikɛ debɔr fo. B tu basa nɛ baa tɔrɔ fo ga na nna a tɔrɔ fo. Nɛ baa malga nɛnɛ a laŋɛ fo kaplɛa so gba, sa maŋ kaŋ yirda bumo.”

Jɛremaya 9:8

Bumo be adonduloŋ du fanɛ atanyembi nɛ e kɔ kɔrtɔ nɛ k bee mɔ nna. Jemanɛ kikɛ baa ku efɛ nna. Ekama bee malga kelɔpo so nna a sa mbe echenashapo, ama kejigbelɛ nɛ e bee sho a nase nɛ e tɔr to na.

Ezikɛl 28:2

Dimɛdi pibi, Ezikɛl, kaŋɛ Tayɛ be ewura kusɔ nɛ ma, Enyɛnpetale Ebɔrɛ na bee kaŋɛ mo. Kamoowu shin nɛ fee fɛ fanɛ fo la kegbir nna nsaa kaŋɛ fanɛ fo ka la kegbir so nɛ fo chena kuwurputi so nɛ eteku kulti fo n wɔtɔ. Feeŋ tiŋ n ta fo kumu fanɛ kegbir e la fo, ama dimɛdi e la fo, mannɛ kegbir.

Ezikɛl 28:9

Jemanɛ nɛ baaŋ ba mɔ fo na, fo kraa beeŋ baa fɛ fanɛ kegbir e la fo a? Jemanɛ nɛ feeŋ yili fo bemɔpo be anishito na, dimɛdi e naaŋ baa la fo mannɛ kegbir.

Ezikɛl 29:3

Kaŋɛ Ijipt be ewura fanɛ Enyɛnpetale Ebɔrɛ na bee kaŋɛ fanɛ, fo ki n doŋ nna ŋkpal fo ka ta fo kumu fanɛ laŋchaŋ nɛ e kɔ eleŋ a wɔ lɔr to na so. Fo alɛ naŋ kaŋɛ fanɛ feeto lɔrgboŋ nɛ baa tre Nail na a ki feya.

Danɛl 7:25

E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

Danɛl 7:8

Ŋ ka bee keni kumo be alambɛ na, nɛ n wu kelambɛ fimbi ko ka lar amo to m ba tia alambɛ na be asa ashi amo be kakpa. Le be kelambɛbi ere daa kɔ dimɛdi be anishi nɛ kɔnɔ nna nsaa puchi.

Malakai 3:13

Enyɛnpe na yɛ, “Men ku asheŋ lubi damta n deŋi ma, ama le nɛ menyee bishi, ‘Manɛ be asheŋ nɛ an ku n deŋi fo?’

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

Juud 1:16

Saŋkikɛ le be basa ere wɔtɔ nna a bile asheŋ a wu basa pɔtɛ kulubi. Baa bɛ bumo gbagba be ayɛlgasɔ lubiana so nna a wɔtɔ a puchi nsaa ta mmalga belbelso a fule basa pɔtɛ, saŋɛ na so baaŋ nya kusɔ nɛ baa sha.

Kelaraŋŋini 13:5

B daŋ sa kusɔbɔya na kɔnɔ nna nɛ e malga ŋkpenso be mmalga nɛ mmalga mo nɛ a bee ji Ebɔrɛ emɔrɔ nseŋ nya ekpa nɛ e ji mbe eleŋ afɔl adena nɛ anyɔ.

1 Samuɛl 2:3

Menyi kamoowuwuraana; men yige men be nfɛlso be mmalga na. Shɛŋ shɛŋ maa ŋana fo Enyɛnpe Ebɔrɛ so. Fo alɛ e naaŋ ji ekama be aworbi demu.