Nshɛ 12:2 - EBƆRƐ BE KAWƆL

² Ekama bee fule mo barkasa nna. Mmalga belbelso nɛ b kɔ a fule abar.

Nshɛ 12:2 ပူးပေါင်းရင်းမြစ်များ

Nshɛ 10:7

Bumo be mmalga kikɛ la shoduu nɛ kafule nɛ kafunti nna, nɛ bumo be bare kikɛ malɛ yil asheŋ lubi nɛ alubi be kewora so.

Nshɛ 116:11

Jemanɛ nɛ kufu daa kɔ ma gba, m maŋ ta ma yirda n deŋi esa kikɛ so.

Nshɛ 144:11

Jande kɔ m mɔlga ma alɛ gba ashi befɔ fɛpoana nɛ b maa ji kashenteŋ na be enɔ to.

Nshɛ 144:8

Bumo e la befɔ nɛ b maa ji kashenteŋ nsaa ku efɛ a bɔ ntaŋ na.

Nshɛ 28:3

Sa maŋ ta ma n ti kumukpakpasowuraana nɛ basa lubi nɛ baa malga bumo braana kutɔ kashaso nsaa kre bumo ŋkre lubi ashi bumo be ŋgbene to na so ŋ kaŋɛ fanɛ n ji n tɔr.

Nshɛ 38:12

Bumo nɛ baa fin ma luwu bee sho ma ajigbelɛ nna; nɛ bumo nɛ baa fin ma nɛ b jija malɛ bee kre ma ŋkre lubi karechɛ kikɛ.

Nshɛ 41:6

Bekama nɛ baa ba kaa bɔɔ ma so na, bee malga mmalga fuloŋ nawule nna. B baŋ naŋ laŋɛ a yɔ malɛ ŋkuli nɛ efɛ nɛ b kɔ a salga to a yɔ.

Nshɛ 5:9

M maaŋ tiŋ n yirda kusɔ nɛ ma doŋana bee kaŋɛ. Esa be kejija nɛ baa fin. Efɛ e bɔlɔ bumo be mmalga to fanɛ kemaŋ chiŋgeliŋ nɛ asɔ buu so. Bumo be adonduloŋ malɛ bee ku efɛ nawule nna.

Nshɛ 55:21

Mbe kamalga wɔ ebel nna fanɛ mushoŋ; ama kekishi e bɔlɔ mbe kagbene to nɛ e wora shiriya nɛ e ta tokobi ŋ kɔ ma.

Nshɛ 59:12

Bedoŋ na la befɛpo nna, amoso shin nɛ bumo be njɔŋ fuloŋ nɛ baa ji na e kilgi m pɛ bumo.

Nshɛ 62:4

Menyee fin kananɛ menyee lara mo ashi mbe kemaŋkura be eyilikpa nna. Efɛ nawule nɛ menyee kuu. Nɛ mmalga lela lar menyi be nnɔ to gba, kekishi nɛ shoduu e bɔlɔ men be ŋgbene bre to.

Aŋasa 20:19

Esheŋjipo kikɛ maŋ tiŋ ŋ keta ashiri, amoso baa gelge mo.

Aŋasa 20:6

Basa damta bee tre bumo amu beshenteŋjipo nna, ama kashenteŋ be beshenteŋjipo maa tiŋ a nya.

Aŋasa 29:5

Esa nɛ e bee malga mmalga belbelso nɛ a maŋ la kashenteŋ a sa mo braana bee sho mbe kumu kejigbelɛ nna na.

Jɛremaya 7:28

Amoso kaŋɛ bumo le: ‘Men la efuli nɛ k maa wora Enyɛnpe, kumo be Ebɔrɛ kasonu nsaa maŋ naa sɔ mbe keŋini nna. Kashenteŋji mur nɛ esa kikɛ maŋ naa ji kumo be asheŋ gba kuraa.’

Jɛremaya 9:8

Bumo be adonduloŋ du fanɛ atanyembi nɛ e kɔ kɔrtɔ nɛ k bee mɔ nna. Jemanɛ kikɛ baa ku efɛ nna. Ekama bee malga kelɔpo so nna a sa mbe echenashapo, ama kejigbelɛ nɛ e bee sho a nase nɛ e tɔr to na.

Ezikɛl 12:24

Ŋkpal manɛ so, efɛ be ebɔrɛdare ŋko kafule be kewuŋkaŋɛ maaŋ naa wɔ Israɛl be basa to kikɛ.

Maika 7:2

Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

1 Tɛsalɔnikaebi 2:5

Men baa nyi geeŋ fanɛ an ka daŋ ba menyi kutɔ na, mannɛ kafule be mmalga nɛ an daŋ bar. Menyi alɛ naa nyi fanɛ an maŋ ta mmalga tenteŋ nna m buu anyi be kajɛ so. Ebɔrɛ e la anyi be shɛdajipo.

Jeems 1:8

ŋkpal manɛ so, nfɛranyɔnyɔwura be asheŋ woraso kikɛ maa lar anishi.