Nshɛ 119:90 - EBƆRƐ BE KAWƆL

⁹⁰ Fo kashenteŋji malɛ wɔtɔ nna n sa kekurgeto kama to ebi. Fo e to kasawule n nase kumo be kakpa, nɛ k dese dindiŋ a maa fifir.

Nshɛ 119:90 ပူးပေါင်းရင်းမြစ်များ

Nshɛ 100:5

Enyɛnpe Ebɔrɛ na walɛ ga! Mbe kasha nɛ k maa loge na, nɛ mbe kashenteŋji malɛ wɔtɔ nna mbaanaayɔ.

Nshɛ 104:5

Fo e to durnya n yili kumo be gbaltɔlase so, nɛ k maaŋ tiŋ ŋ gbuŋgbuŋ na.

Nshɛ 148:6

Mo koŋwule na e malga eleŋso nɛ amo be kekama ere nya kumo be eyilikpa a yil mbaanaayɔ na. Mbe atande maa chɛrga kikɛ.

Nshɛ 36:5

Enyɛnpe Ebɔrɛ, fo kashenteŋji nɛ kasha nɛ fo kɔ a sa basa shi ga. Kumo alɛ maa chɛrga; k bee fo kaplɛkama, hale esoso nɛ awɔlpa to kikɛ.

Nshɛ 89:11

Ebɔrɛso nɛ kasawule so kikɛ la feya nna; fo e to durnya nɛ kusɔ kama nɛ k wɔ kumo to.

Nshɛ 93:1

Enyɛnpe Ebɔrɛ na e la ewura. Kemaŋkuragboŋ nɛ eleŋ buu mo nna fanɛ kuwurpiŋi. Mo e tɔl durnya n yili kpakpa, nɛ shɛŋ shɛŋ maaŋ tiŋ n fifir kumo.

Kaŋinichiŋgeliŋ 1:4

Kenana ko beeŋ ba choŋ nɛ kenana ko malɛ e naŋ ba, ama durnya ere bre maaŋ chɛrga kikɛ.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Ditɛronɔmi 7:9

Ŋkpal loŋ so, men baa nyiŋi fanɛ Enyɛnpe menyi be Ebɔrɛ na nawule e la Kashenteŋ be Ebɔrɛ nsaa la Kashenteŋjipo. E beeŋ wora m bɛ mbe kɔnɔkoŋwule be ŋkre so nseŋ lara mbe kasha nɛ k maa loge na ŋ ŋini basa nɛ baa sha mo nsaa wora mbe mbraana kasonu na, yili kenana ko n ya fo kenana ko loŋ be kagboŋ so.