Nshɛ 119:73 - EBƆRƐ BE KAWƆL

⁷³ Fo e to ma nseŋ bela ma eyur n chuge abar so; sa ma kanyiasheŋ nɛ ŋ koya fo mbraana na.

Nshɛ 119:73 ပူးပေါင်းရင်းမြစ်များ

1 Kronikɛls 22:12

Enyɛnpe nɛ e la fo Ebɔrɛ na e sa fo kanyiasheŋ nɛ nfɛra nɛ fo baa wora asheŋ amo be ekpa so, nseŋ juŋkpar Israɛl ashi mbe mbra be ekpa so nɛnɛ.

2 Kronikɛls 2:12

Kemaŋkura e baa la Enyɛnpe Ebɔrɛ nɛ e la Israɛl be Ebɔrɛ nɛ esoso nɛ kasawule kikɛ be etopo na peya! Mo e sa ewura Deevid ebinyɛn nyiashempo nɛ e kɔ asheŋ be kepinto nɛ kasheŋwora be kenyi nsaa sha kepɔr bɔrɛlambu n sa Enyɛnpe Ebɔrɛ nɛ ewura be laŋ n sa mbe kumu.

Job be kawɔl 31:15

Ŋkpal manɛ so, Ebɔrɛ koŋwule na e to ma nɛ ma nyɛrbi nɛ mbita na kikɛ.

Job be kawɔl 32:8

Ama n wu fanɛ Enyɛnpetale Ebɔrɛ be Kiyoyu e naa luri dimɛdi to a sa mo kanyiasheŋ.

Nshɛ 100:3

Men baa nyi fanɛ Enyɛnpe na e la Ebɔrɛ! Mo e to anyi nɛ an la mbe basa; an du fanɛ mbe mbolpɔ nna nɛ e bee keni so.

Nshɛ 111:10

Men baa bunyaŋ Enyɛnpe Ebɔrɛ na, ŋkpal manɛ so, ekpa nɛ esa beeŋ bɔla so n nya kanyiasheŋ nna na. Bekama nɛ baa bɛ mbe mbraana so na e naa pin asheŋ to nɛnɛ. Kapandi e baa la mo peya mbaanaayɔ.

Nshɛ 119:125

N la fo kayɛrbi nna a shuŋ fo, sa ma asheŋ be kepinto nɛ m baa pin fo mbraana to.

Nshɛ 119:144

Fo mbraana niŋi nna jemanɛ kikɛ, amoso chɛ ma to nɛ m pin amo to nsaa wɔ ŋkpa to.

Nshɛ 119:169

Jande Enyɛnpe Ebɔrɛ, nu ma kabɔrɛkule; sa ma kepinto nɛ k shi fo kamalga to.

Nshɛ 119:34

Chɛ ma to nɛ m pin fo mbra to nseŋ wora kumo kasonu; saŋɛ na so, meeŋ ta ma kagbene kikɛ m bɛ kumo so.

Nshɛ 138:8

Fo, Enyɛnpe Ebɔrɛ na beeŋ wora m bɔlɔ kusɔ kama nɛ fo nase kumo be kɔnɔ so. Fo kasha nɛ k maa chɛrga na wɔtɔ nna mbaanaayɔ; amoso, jande sa maŋ kini anyi, fo basa n lɛ.

Nshɛ 95:6

Men ba nɛ an jɔŋɛ m bunyaŋ Enyɛnpe Ebɔrɛ nɛ e to anyi na!

2 Timoti 2:7

Baa fɛ le be asheŋ nɛ ŋ kaŋɛ fo ere be asheŋ nɛ Enyɛnpe e chɛ fo to nɛ fo pin kusɔ kama to.

Jeems 3:18

Bumo nɛ b kɔ kagbenewushi e naa bar kagbenewushi basa to nɛ kumo alɛ be lalaloge la alelasheŋ be kewora.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.