Nshɛ 119:49 - EBƆRƐ BE KAWƆL

⁴⁹ Baa nyiŋi kɔnɔ nɛ fo nase n sa ma, fo kayɛrbi na; ŋkpal manɛ so, ma tama deŋ kumo so nna.

Nshɛ 119:49 ပူးပေါင်းရင်းမြစ်များ

Jɛnesis 32:9

Kumo be kaman nɛ Jeekɔb kule Ebɔrɛ ŋ kaŋɛ: “N tuto Eebraham nɛ Aizek be Ebɔrɛ, n Nyɛnpe, fo e kaŋɛ ma fanɛ m bɛta n yɔ ma efuli so nɛ ma basa pe nɛ fo shin nɛ ŋ ki asɔwura.

Jɛnesis 8:1

Saŋɛ nɛ kuloŋgboŋ na daa deŋ nchu na so na Ebɔrɛ daa maŋ teŋ Nowa nɛ asɔbɔya nɛ b wɔ kuloŋgboŋ na to na so kikɛ. E daŋ shin nna nɛ afu fara a chela kasawule so nɛ nchu na fara a gberge.

2 Samuɛl 5:2

Dra kikɛ, hale saŋɛ so nɛ Sɔɔl daa la anyi be ewura na gba, fo e naa juŋkpar Israɛlebi a yɔ kena to. Enyɛnpe Ebɔrɛ na e yili kumo fanɛ, fo e naŋ ki anyi be ejuŋkparpo nɛ ewura, a keni anyi so fanɛ kananɛ mbolpɔkpapo bee keni mbe mbolpɔ so na.”

2 Samuɛl 7:25

Naniere bre Enyɛnpe Ebɔrɛ, shin nɛ fo kɔnɔ nɛ fo nase n sa ma nɛ n nanabiana na e bɔlɔ so.

Job be kawɔl 7:7

Ebɔrɛ, mee kule fo nna; sa maŋ teŋ ma so! Ma ŋkpa baa du fanɛ afu nna, ma kagbenefuli teŋ fo ekar.

Nshɛ 105:2

Men baa boŋ nshɛ a kpaŋ Enyɛnpe Ebɔrɛ na; nsaa malga emamachisheŋ nɛ e wora be asheŋ.

Nshɛ 105:42

E daa nyiŋi mbe nnɔ naseso cheembi nɛ e nase n sa mbe kayɛrbi Eebraham na nna.

Nshɛ 106:4

Enyɛnpe Ebɔrɛ, baa nyiŋi ma, jemanɛ nɛ fee chɛ fo basa to nsaa mɔlga bumo na.

Nshɛ 106:45

E daŋ nyiŋi mbe kɔnɔkoŋwule be ŋkre na nna, nseŋ kpal kashagboŋ nɛ e kɔ n sa bumo na so n chɛrga mbe nfɛra a maŋ gberge bumo kusoe.

Nshɛ 119:147

Pɔɛŋ nɛ epeŋi e pete gba, fo nɛ mee kule a fin kechɛto. N ta ma tama nna n deŋi fo kamalga naseso so.

Nshɛ 119:43

Jemanɛ kikɛ sa maŋ kaŋ lara fo kashenteŋ be mmalga na ma kɔnɔ to; ŋkpal manɛ so, ma tama wɔ fo mbraana to nna.

Nshɛ 119:74

Bumo nɛ baa bunyaŋ fo beeŋ wu ma nɛ bumo be ŋgbene e fuli bumo ŋkpal ŋ ka ta ma tama n wɔtɔ fo kamalga to so.

Nshɛ 119:81

N jo fo, Enyɛnpe Ebɔrɛ, nɛ fo sɔ ma n yige n ya gben; ama ma tama kraa wɔ fo kamalga to.

Nshɛ 71:14

Ma ere beeŋ ta ma tama n wɔtɔ fo to; ma alɛ maaŋ yige kebaakpaŋ fo kikɛ.

Aizaaya 62:6

Jerusalɛm, n shin nɛ basa yil fo egbalana so e keni ekpa to. Kapa nɛ kanyɛ kikɛ, a maŋ daga b lo bumo be nnɔ kikɛ. A daga fanɛ b baa shin nɛ Enyɛnpe Ebɔrɛ e baa nyiŋi mbe nnɔ naseso na be asheŋ, nɛ e sa maŋ teŋ amo so kikɛ.

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.