Nshɛ 119:36 - EBƆRƐ BE KAWƆL

³⁶ Shin nɛ ma kagbene e kilgi a sha kebaawora fo mbraana kasonu a chɔ kebaasha kedamaya.

Nshɛ 119:36 ပူးပေါင်းရင်းမြစ်များ

1 Bewura 8:58

E chɛ anyi to n shin nɛ an baa nu a sa mo nsaa bɛ mbe mbra nɛ keŋini nɛ e ta n sa an nananyɛnana na so.

Nshɛ 10:3

Belubiworapo bee ji njɔŋ nna ŋkpal bumo be aparsheŋ lubi so. Nɛ kejimuniwuraana malɛ kishi fo nsaa shoduu fo.

Nshɛ 141:4

Baa lara ma kagbene ashi asheŋ lubi be kebaawora to nɛ ma kebaatu basa lubi a wora asheŋ gela gela to. Sa maŋ shin nɛ m baa tu bumo a ji bumo be kejigboŋana gba.

Nshɛ 51:10

Shin nɛ n nya nfɛra niŋiso nseŋ shin nɛ n naa ji kashenteŋ.

Ɛksodɔs 18:21

Ama a daga fanɛ fo lara benyɛn nɛ b kɔ kabɔrɛŋana nsaa la basa nɛ esa beeŋ tiŋ n yirda nɛ baaŋ tiŋ n shuŋ fo kushuŋ ere ashi basa na to. Shin nɛ b ki bejuŋkparpo a keni basa kagboŋ kagboŋ so nɛ basa kalfa kalfa so nɛ basa adununu so nɛ basa kudu kudu so.

Jɛremaya 32:39

Meeŋ shin nɛ b baa bunyaŋ ma jemanɛ kikɛ kenishipereso, ŋkpal bumo gbagba nɛ bumo be kaman to ebi be nɛnɛ so.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Habakuk 2:9

Asheŋ maaŋ nyalɛ n sa menyi ŋkpal men ka ta eleŋsheŋ n suge asɔ n shin nɛ menyi be nnaŋ to ebi dii dama nɛ tɔrɔ kikɛ maa ba menyi be elaŋ to ebi so so!

Luuk 12:15

Kamalga ere be kaman nɛ e kaŋɛ basa na kikɛ: “Men baa da so nsaa gelge kejimuni be yiri kikɛ, ŋkpal manɛ so, esa baa kɔ asɔ kanaŋkamaso gba, mbe ŋkpa bre maŋ la mo peya.”

Luuk 16:14

Efarisiana na ka daa sha amansherbi ga so, b ka nu asheŋ na kikɛ nɛ b wora mo eyurto.

Ɛfesesebi 5:3

Ŋkpal men ka la Ebɔrɛ be basa so, a maŋ daga beche nɛ benyɛn be kedi abar kesakalea so be mmalga ka wɔ menyi to. Kumo alɛ maŋ naŋ daga eyurpisheŋ be yiri kikɛ ŋko kejimuni be asheŋ ka wɔ menyi to, ŋkpal manɛ so, loŋ be asɔ na maŋ daga a ka wɔ Ebɔrɛ be basa cheembi to.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

2 Pita 2:14

Kesakaleasheŋ e baŋ bɔlɔ bumo be nfɛraana to, bumo alɛ maa wora alubi a gben kikɛ. Bumo e naa fule basa nɛ b maa kra ketɔr a wɔtɔ asheŋ jiga to, bumo alɛ nseŋ naa la kejimuni be bejuŋkparpo. B wɔ Ebɔrɛ be kɔnɔso to nna.

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.