Nshɛ 119:35 - EBƆRƐ BE KAWƆL

³⁵ Ta fo mbraana na a ŋini ma ekpa, ŋkpal manɛ so, amo e naa fuli ma kagbene.

Nshɛ 119:35 ပူးပေါင်းရင်းမြစ်များ

Nshɛ 1:2

Bumo be kagbenefuli bee shi Enyɛnpe Ebɔrɛ na be keŋini be kebaawɔtɔ to nna; nɛ kumo be loŋ malɛ wɔ bumo be nfɛra to kapa nɛ kanyɛ.

Nshɛ 119:16

Ma kagbene bee fuli fo mbra so nna; ma alɛ maaŋ teŋ fo mmalga so kikɛ.

Nshɛ 119:173

Wora shiriya n chɛ ma to, ŋkpal ŋ ka bee bɛ fo kusɔ nɛ fo yili so so.

Nshɛ 119:27

Chɛ ma to nɛ n tiŋ m pin fo mbraana to, saŋɛ na so meeŋ baa fɛ fo emamachisheŋ be asheŋ.

Nshɛ 119:36

Shin nɛ ma kagbene e kilgi a sha kebaawora fo mbraana kasonu a chɔ kebaasha kedamaya.

Nshɛ 23:3

Mo e naa sa ma eleŋ popɔr, nsaa ŋini ma kebaawɔtɔ niŋiso fanɛ kananɛ e nase kɔnɔ na.

Nshɛ 25:4

Enyɛnpe, ŋini ma fo ekpa na; nseŋ ŋini ma kananɛ meeŋ bɛ kumo so.

Aŋasa 3:17

Kanyiasheŋ beeŋ sa fo kebaawɔtɔ belbelso, nseŋ ŋini fo ekpa lela nɛ feeŋ baa bɔla so a wora asheŋ ashi fo kebaawɔtɔ to.

Aŋasa 4:11

Ŋ ŋini fo kanyiasheŋ, nɛ kananɛ feeŋ baa kɔ kebaawɔtɔ niŋi so.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Aŋasa 8:20

Ekpa niŋi so, nɛ kebaaji asheŋ nɛ amo be ekpa so be ekpa nɛ m bɔ.

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”

Aizaaya 48:17

Kusɔ nɛ Enyɛnpe, Israɛl be Ebɔrɛ cheembi, nɛ e mɔlga menyi na kaŋɛ nde: “Ma e la Enyɛnpe menyi be Ebɔrɛ, nɛ mee sha keŋini menyi asheŋ ŋkpal menyi be nɛnɛ so, nseŋ juŋkpar menyi ekpa nɛ menyeeŋ baa bɔla so a wora asheŋ.

Romebi 7:22

Ma kagbene bre gbagba bee sha Ebɔrɛ be mbra na.

Filipaiebi 2:13

Ŋkpal manɛ so, Ebɔrɛ e wɔ menyi to a shuŋ saŋkikɛ a shin nɛ menyee sha Ebɔrɛ nsaa tiŋ a nu a sa mo gbagba be aparsheŋ.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

1 Jɔn 5:3

Kesha Ebɔrɛ malɛ e la kebɛ mbe mmalga nasesoana so, amo alɛ maŋ du kpakpa.