Nshɛ 119:24 - EBƆRƐ BE KAWƆL

²⁴ Fo mbraana e naa shin nɛ ma kagbene bee fuli ma ga; amo e naa ji ma asoe to.

Nshɛ 119:24 ပူးပေါင်းရင်းမြစ်များ

Job be kawɔl 27:10

Kusɔ nɛ Ebɔrɛ beeŋ wora bumo nna. Ŋkpal manɛ so, b maa sha Ebɔrɛ ŋko kabɔrɛkule.

Nshɛ 119:143

Etɔrɔ nɛ kagbenejija damta wɔ ma to; ama fo mbraana bee sa ma kagbenefuli nna.

Nshɛ 119:16

Ma kagbene bee fuli fo mbra so nna; ma alɛ maaŋ teŋ fo mmalga so kikɛ.

Nshɛ 119:162

Fo nnɔ naseso bee fuli ma kagbene nna fanɛ esa nɛ e nya yawu kpakpaso be asɔ lela kena to nna.

Nshɛ 119:77

Wu ma kuwɔr n shin nɛ m baa wɔ ŋkpa to, ŋkpal fo mbra ka bee fuli ma kagbene so.

Nshɛ 119:92

Nɛ n daa maa nya kagbenefuli ashi fo mbraana to nna, ndafanɛ n wu ashi ma awurfoŋ to.

Nshɛ 19:11

Enyɛnpe be mbra na bee kpele basa kusoe nna. Basa nɛ baa bɛ amo so bee nya tɔnɔ gboŋgboŋi nna.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Jɛremaya 6:10

Ndoŋ nna nɛ ŋ kaŋɛ le: “Ekama nɛ ŋ kpele mo kusoe gba maaŋ nu n sa ma. Bumo be asoe ka du kpakpa ga so, baa mushe kubɔya kama nɛ fo ta n sa fanɛ n sa bumo na nna nsaa kini kenu n sa kumo.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

Joshuwa 1:8

Sa maŋ yige kebaamalga mbra be kawɔl ere be asheŋ. Baa koya kumo kapa nɛ kanyɛ kikɛ. Fo alɛ nsaa de so a bɛ kusɔ nɛ mbra na bee ŋini na kikɛ so. Saŋɛ na so feeŋ nya nɛfa nɛ fo asheŋ malɛ e baa nyalɛ a sa fo.