Nshɛ 119:19 - EBƆRƐ BE KAWƆL

¹⁹ Efɔ e la ma ashi kasawule ere so; amoso sa maŋ ta fo mbraana ŋ ŋana ma so.

Nshɛ 119:19 ပူးပေါင်းရင်းမြစ်များ

Jɛnesis 47:9

Nɛ Jeekɔb kaŋɛ Fɛɛro: “Nfɛ mo nɛ n ji a na a kilgi to durnya ere to wɔ nfɛ kalfa nɛ adesa. Loŋ be nfɛ na malɛ kikɛ la awurfoŋ be nfɛ nna, amo alɛ maŋ naa shi fanɛ kananɛ n tutoana nɛ n nanaana nɛ b daa na a kilgi to na be nfɛ daa shi na.”

1 Kronikɛls 29:15

An la befɔ nna a wɔ durnya ere to fanɛ kananɛ an nananyɛnana gba daa wɔ kumo to na. Anyi be nchɛ du nna fanɛ kiyoyul na, k maa chɛr nsaa choŋ.

Job be kawɔl 39:17

Ŋkpal manɛ so, mee to kumo kusɔbɔya wulpo nɛ k maŋ nyi shɛŋ.

Nshɛ 119:10

Meeŋ shuŋ fo nɛ ma kagbene kikɛ; sa maŋ shin nɛ n lar kebaawora fo mbraana kasonu to.

Nshɛ 39:12

Enyɛnpe Ebɔrɛ, jande, nu ma kekule. Nu ma kushu nseŋ chɛ ma to. Anishichubi e bɔlɔ ma anishi kikɛ to. N du fanɛ efɔ nna ashi fo kutɔ, fanɛ kananɛ n nananyɛnana daa la befɔ na.

Nshɛ 39:13

Sa maŋ naŋ nya agbo n wɔtɔ ma, saŋɛ na so meeŋ nya kagbenefuli gbrɛbi pɔɛŋ nseŋ lar durnya ere to.

Aizaaya 63:17

Enyɛnpe Ebɔrɛ, manɛ nna nɛ fo shin nɛ an foe n lar fo ekpa so n ta ŋkpensheŋ n shile fo? Jande bɛta m ba anyi kutɔ! An la fo nyɛrbi nɛ fo gbagba be basa nna.

Luuk 24:45

Ndoŋ nna nɛ e shin nɛ bumo be ŋgbene bugi nɛ b tiŋ m pin abɔrɛsibɛ na be afito

Luuk 9:45

Ama bebɛsopo na daa maŋ pin mbe kamalga na to, ŋkpal manɛ so, Ebɔrɛ daa maŋ bugi kumo to n sa bumo, ŋkeshin nɛ bumo alɛ daa maŋ bishi mo kumo be kifito ŋkpal kufu so.

2 Kɔrintebi 5:6

Amoso, saŋkikɛ anyi maa pɔ aba, ŋkpal manɛ so, an nyi fanɛ an ka baa wɔ epe ashi anyi be eyur ere to ere, anyi nɛ Enyɛnpe na wɔ kufɔ.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.