Nshɛ 119:176 - EBƆRƐ BE KAWƆL

¹⁷⁶ N la fo kayɛrbi nna nseŋ foe n luri to fanɛ kubolpɔ. Amoso jande fin ma, ŋkpal manɛ so, m maaŋ teŋ fo mbraana so kikɛ.

Nshɛ 119:176 ပူးပေါင်းရင်းမြစ်များ

Nshɛ 119:16

Ma kagbene bee fuli fo mbra so nna; ma alɛ maaŋ teŋ fo mmalga so kikɛ.

Nshɛ 119:61

Hale nɛ kumukpakpasowuraana ta efɔl ŋ kre ma gba, m maaŋ teŋ fo mbra so.

Nshɛ 119:93

M maaŋ teŋ fo keŋini so kikɛ; ŋkpal manɛ so, amo nɛ fo bɔla so n sa ma ŋkpa nɛ n wɔtɔ.

Sɔlɔmɔn 1:4

Keta ma nɛ an nya manaŋ n yɔ; Ma ewura, keta ma n yɔ fo ebu to manaŋ. Ndoŋ nɛ anyi be ŋgbene beeŋ fuli anyi, nɛ an nuu nsa nseŋ ji anyi be amu. Nɛ beche bee sha fo, kumo be ekpa so nna.

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Jɛremaya 31:18

N nu Israɛl be basa na ka bee shu a kaŋɛ le: ‘An daa du fanɛ asɔbɔya yenso nna, ama fo bela anyi nɛ anyee wora fo kasonu. Naŋ bɛta anyi m ba fo kutɔ, ŋkpal manɛ so, an wora shiriya naniere nɛ an bɛta m ba fo Enyɛnpe anyi be Ebɔrɛ na kutɔ nna.

Jɛremaya 50:6

Ma basa du fanɛ mbolpɔ nɛ bumo be bekpapoana shin nɛ b foe abee so nna. B daa nite cham cham kebee ko so nna n ya kaa lar kuko so nseŋ daŋ teŋ kakpa nɛ bumo pe wɔ so.

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Ezikɛl 34:6

Ma mbolpɔ ya kaa na abeegboŋ nɛ abeebi so nna. B daŋ pesaŋ to nna a wɔ durnya be kaplɛkama nɛ esa kikɛ malɛ daa maŋ keni n fin bumo.

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Matiu 10:6

Kakpa nɛ k daga fanɛ men yɔ e la Israɛlebi nɛ b du fanɛ mbolpɔ foeso na kutɔ.

Matiu 15:24

Nɛ Yesu kaŋɛ: “Israɛlebi nɛ b du fanɛ mbolpɔ foeso na nawule so nɛ b shuŋi ma.”

Luuk 19:10

Ma alɛ Nyiŋgbasa Pibinyɛn ba na nɛ m ba fin basa nseŋ mɔlga bumo ashi bumo be alubi to.”

Baru lela nɛ Jɔn kute na 10:16

Ŋ kraa kɔ mbolpɔ ko nɛ a maŋ wɔ mbolpɔ ere to. A daga fanɛ m bar loŋ be mbolpɔ na gba nɛ amo alɛ gba e ba kaa nu ma ebɔl nɛ amo kikɛ e baa la kukoŋwule nsaa kɔ ekpapo koŋwule.

Galeeshaebi 4:9

Ama naniere bre men ba pin Ebɔrɛ. Kusɔ nɛ mee sha nɛ ŋ kaŋɛ e la fanɛ Ebɔrɛ e ba pin menyi de. Nɛ nuso nɛ a ji nɛ men naa bɛta a ta men be amu a sa le be durnya ere to be sososo be asɔ ŋiniso pɔso nɛ amo be asheŋ kɔ kuwɔr ere? Menyee sha fanɛ men naŋ bɛta ŋ ki amo be anya nna a?

Filipaiebi 2:13

Ŋkpal manɛ so, Ebɔrɛ e wɔ menyi to a shuŋ saŋkikɛ a shin nɛ menyee sha Ebɔrɛ nsaa tiŋ a nu a sa mo gbagba be aparsheŋ.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

1 Pita 2:25

Ŋkpal manɛ so, men daa du fanɛ mbolpɔ ka yeŋ to nna, ama naniere bre, men bɛta m ba men be ayoyu be Ekpapo nɛ Ekenipo kutɔ.