Nshɛ 119:174 - EBƆRƐ BE KAWƆL

¹⁷⁴ Enyɛnpe Ebɔrɛ, fo nɛ mee jo nɛ fo mɔlga ma, ŋkpal manɛ so, fo mbra e naa fuli ma kagbene.

Nshɛ 119:174 ပူးပေါင်းရင်းမြစ်များ

Jɛnesis 49:18

O, Enyɛnpe, mee jo fo kenya be kesɔnyige nna.

2 Samuɛl 23:5

Le be ekpa malɛ so nɛ Ebɔrɛ beeŋ bɔla so n nɛfa ma nɛ ma kaman to ebi. Ŋkpal manɛ so e nase kɔnɔ nɛ k wɔtɔ mbaanaayɔ nna n sa ma. Mo alɛ beeŋ wora kusɔ nɛ e kaŋɛ na m bɔlɔ so. Mbe kɔnɔ naseso malɛ maa chɛrga kikɛ. Amoso e beeŋ sa ma kusɔ kama nɛ mee tama na, nseŋ mɔlga ma.

Nshɛ 1:2

Bumo be kagbenefuli bee shi Enyɛnpe Ebɔrɛ na be keŋini be kebaawɔtɔ to nna; nɛ kumo be loŋ malɛ wɔ bumo be nfɛra to kapa nɛ kanyɛ.

Nshɛ 119:111

Fo mbraana na la ma mpetɛsɔ nna mbaanaayɔ; amo e naa shin nɛ ma kagbene bee fuli ma.

Nshɛ 119:16

Ma kagbene bee fuli fo mbra so nna; ma alɛ maaŋ teŋ fo mmalga so kikɛ.

Nshɛ 119:162

Fo nnɔ naseso bee fuli ma kagbene nna fanɛ esa nɛ e nya yawu kpakpaso be asɔ lela kena to nna.

Nshɛ 119:24

Fo mbraana e naa shin nɛ ma kagbene bee fuli ma ga; amo e naa ji ma asoe to.

Nshɛ 119:41

Enyɛnpe Ebɔrɛ, ŋini ma fo kasha nseŋ mɔlga ma, fanɛ kananɛ fo nase kɔnɔ na;

Nshɛ 119:47

Ŋkpal ŋ ka bee sha fo mbraana na so, amo be asheŋ bee par ma, a fuli ma kagbene.

Nshɛ 119:77

Wu ma kuwɔr n shin nɛ m baa wɔ ŋkpa to, ŋkpal fo mbra ka bee fuli ma kagbene so.

Nshɛ 119:81

N jo fo, Enyɛnpe Ebɔrɛ, nɛ fo sɔ ma n yige n ya gben; ama ma tama kraa wɔ fo kamalga to.

Aŋasa 13:12

Tama nɛ k bee chɛr pɔɛŋ nsaa ba bee shin nɛ esa be aba bee pɔ mo nna, ama esa baa nya kusɔ nɛ e bee fin, k bee bar mo kagbenefuli nna.

Sɔlɔmɔn 5:8

Jerusalɛm be beche, meeŋ kaŋ wu n jipo, manɛ nɛ menyeeŋ kaŋɛ mo? Men kaŋɛ mo fanɛ kasha shin nɛ mee lɔ.

Filipaiebi 1:23

M baŋ ki nna cham a wɔ asɔ anyɔ na to be nferinto, ŋkpal manɛ so, kusɔ nɛ mee sha e la kelar durnya ere to n ya kaa wɔ Kristo kutɔ, kusɔ nɛ k baa bɔ malɛ nna na.