Nshɛ 119:172 - EBƆRƐ BE KAWƆL

¹⁷² Meeŋ boŋ nshɛ a laŋɛ fo mbra be kaplɛa so; ŋkpal fo atande ka niŋi so.

Nshɛ 119:172 ပူးပေါင်းရင်းမြစ်များ

Nshɛ 119:128

Mee bɛ fo mbraana kikɛ so nna, ŋ kishi ekpa lubi be yiri kikɛ be kebɔla so n wora asheŋ.

Nshɛ 119:13

Meeŋ bugi kɔnɔ ŋ kaŋɛ beko awɔrso fo mbraana nɛ fo sa na kikɛ be asheŋ.

Nshɛ 119:138

Fo keŋini kikɛ la kashenteŋ nna nseŋ daga esa ka yirda amo.

Nshɛ 119:142

Fo kebaawɔtɔ niŋiso wɔtɔ nna mbaanaayɔ; nɛ fo mbra malɛ la kashenteŋ jemanɛ kikɛ.

Nshɛ 119:46

Ma alɛ beeŋ baa malga fo mbraana be asheŋ a sa bewurjipo nsaa maa ŋana anishinyɔr.

Nshɛ 119:86

Esa beeŋ tiŋ n yirda fo mbraana kikɛ; basa bee ku efɛ nna a tɔrɔ ma, amoso chɛ ma to!

Nshɛ 37:30

Kanyiasheŋ be mmalga e naa lar esa nɛ e bee wora asheŋ nɛ a niŋi be kɔnɔ to, nɛ mbe kudonduloŋ bee tuge asheŋ nɛ a niŋi ekpa.

Nshɛ 78:4

Anyi maaŋ ta amo ŋ ŋana anyi be mbia so. Anyeeŋ malga Enyɛnpe Ebɔrɛ na be eleŋgboŋ nɛ mbe asheŋgboŋ nɛ emamachisheŋ nɛ e wora na be asheŋ n sa anyi be mbia nɛ baaŋ ba anyi be kaman na.

Romebi 7:12

Ade e naa ŋini fanɛ mbra na bre gbagba maŋ kɔ kulubi kumo to. Loŋ koŋwule na gba nɛ ntaŋ na gba la kusɔ lela a kɔ ekpa nsaa maŋ kɔ kulubi kumo to.

Romebi 7:14

An nyi mbra na ka la abɔrɛsheŋ, ama ma ere la nyiŋgbasa nna nɛ alubi kɔ ma fanɛ kenya.

Ɛfesesebi 4:29

Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

Ditɛronɔmi 6:7

Men baa ŋini menyi be mbia amo. Men baa kute amo to jemanɛ nɛ men wɔ elaŋ to nɛ jemanɛ nɛ men wɔ ekpa so nɛ jemanɛ nɛ menyee wushi nɛ jemanɛ nɛ menyee shuŋ kikɛ.

Kɔlɔsiebi 4:6

Men shin nɛ men be kelejima e baa wɔ ebel saŋkama a kɔ kanyiasheŋ kumo to nɛ men pin kananɛ a daga men ka bee tuge basa be mmalga.