Nshɛ 119:165 - EBƆRƐ BE KAWƆL

¹⁶⁵ Bekama nɛ baa sha fo mbraana na bee nya kayurwushi gboŋgboŋi nna; shɛŋ shɛŋ maaŋ tiŋ n shin nɛ b fiti n tɔr kikɛ.

Nshɛ 119:165 ပူးပေါင်းရင်းမြစ်များ

Nshɛ 119:56

Kusɔ nɛ mee wora saŋkikɛ e la kebaawora fo mbra na kasonu.

Aŋasa 3:17

Kanyiasheŋ beeŋ sa fo kebaawɔtɔ belbelso, nseŋ ŋini fo ekpa lela nɛ feeŋ baa bɔla so a wora asheŋ ashi fo kebaawɔtɔ to.

Aŋasa 3:23

Kanyiasheŋ nɛ lakal beeŋ kuŋ fo, nɛ fo maaŋ foe ekpa.

Aizaaya 26:3

Enyɛnpe Ebɔrɛ na e naa sa basa nɛ bumo be yirda yil to kpakpa na kayurwushi gbagba.

Aizaaya 28:13

Amoso nɛ Enyɛnpe Ebɔrɛ na bee sha keŋini menyi nsibɛbi nɛ mmalgabi nɛ menyi maaŋ pin to na. Kumo be kaman keya kama nɛ menyeeŋ tia, menyeeŋ fiti n tɔr n doro nɛ b naŋ pɛ menyi fanɛ anya.

Aizaaya 32:17

Ŋkpal ekama ka beeŋ baa wora kusɔ nɛ k daga so, kayurwushi beeŋ ba nɛ kufu maaŋ naa kɔ esa kama mbaanaayɔ.

Aizaaya 57:14

Ade be kaman nɛ Enyɛnpe Ebɔrɛ naŋ kaŋɛ le: “Men lɔŋɛ ekpa nseŋ lara ajembu nɛ keyimu kikɛ kumo so n sa ma basa nɛ b bɔla kumo so m bɛta m ba ma kutɔ!

Aizaaya 57:21

Ama ma, Enyɛnpe Ebɔrɛ na nase kɔnɔ fanɛ belubiworapoana maaŋ nya kayurwushi kikɛ.”

Matiu 13:21

Ama k maa luri mo to nɛnɛ, amoso, e maa yirda a yɔ kufɔ. Awurfoŋ nɛ tɔrɔ baŋ tu mo ŋkpal kamalga na so, epul na to nɛ e bɛ so ŋ gben.

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Filipaiebi 4:7

Nɛ men wora loŋ, kagbene wushi nɛ k bee shi Ebɔrɛ kutɔ a ba nsaa chɔ kananɛ dimɛdi beeŋ fɛ na beeŋ shin nɛ men be ŋgbene nɛ men be nfɛra e nya edesekpa ashi Kristo Yesu to.

1 Jɔn 2:10

Esa kama malɛ nɛ e bee sha mo niopibi wɔ kefulto na to nna na nɛ shɛŋ malɛ maŋ naa wɔ mo to a kagle mo ekpa a shin nɛ e bee fiti a tɔr.