Nshɛ 119:142 - EBƆRƐ BE KAWƆL

¹⁴² Fo kebaawɔtɔ niŋiso wɔtɔ nna mbaanaayɔ; nɛ fo mbra malɛ la kashenteŋ jemanɛ kikɛ.

Nshɛ 119:142 ပူးပေါင်းရင်းမြစ်များ

Nshɛ 119:144

Fo mbraana niŋi nna jemanɛ kikɛ, amoso chɛ ma to nɛ m pin amo to nsaa wɔ ŋkpa to.

Nshɛ 119:151

Ama fo Enyɛnpe Ebɔrɛ na bre taga ma to nna, nɛ fo mbraana kikɛ la kashenteŋ.

Nshɛ 119:160

Fo mmalga kikɛ la kashenteŋ nna, nɛ fo mbraana nɛ a niŋi na wɔtɔ mbaanaayɔ.

Nshɛ 19:9

Kabɔrɛŋana walɛ nna, nsaa beeŋ baa wɔtɔ mbaanaayɔ. Enyɛnpe be mbra na la kashenteŋ nna. Amo alɛ maa wora a foe ekpa.

Nshɛ 36:6

Fo asheŋ woraso niŋi ekpa nna nsaa du fanɛ kebeegboŋ nɛ k maa gbuŋgbuŋ na. Kananɛ fee mige basa be asheŋ to a ji asheŋ nɛ amo be ekpa so du chiŋgeliŋ fanɛ teku nna. Fo enɔ to nɛ edimɛdi nɛ asɔbɔya kikɛ wɔ.

Aizaaya 51:6

Men to anishi ŋ keni awɔlpa nɛ kasawule kikɛ so! Awɔlpa beeŋ choŋ fanɛ edishi, nɛ kasawule e baŋɛ to fanɛ kusɔbuuso dra ka kpɛa to na. Basa kikɛ beeŋ wu n dese kasawule fanɛ ashushombi firgiso na. Ama ma kumɔlga beeŋ baa wɔtɔ mbaanaayɔ. Ma kekɔmpɔɔso maaŋ fo ekar kikɛ.

Aizaaya 51:8

Ŋkpal manɛ so, baaŋ foe menyi be anishi so fanɛ kaŋkaŋ ka ji wajɛ m mur nɛ esa maaŋ naŋ wu kumo na. Ama ma kumɔlga beeŋ baa wɔtɔ mbaanaayɔ. Nɛ ma kekɔmpɔɔso be eleŋ na malɛ e baa wɔtɔ saŋkama.”

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Baru lela nɛ Jɔn kute na 17:17

Bɔla fo kashenteŋ be mmalga na so n lara bumo durnya be basa to nɛ b baa la fo basa. Fo kamalga na e la kashenteŋ na.

Ɛfesesebi 4:21

M baa nyi men ka daŋ nu mbe asheŋ nɛ b naŋ ŋini menyi kashenteŋ nɛ k wɔ mo koŋwule Kristo to na.