Nshɛ 119:125 - EBƆRƐ BE KAWƆL

¹²⁵ N la fo kayɛrbi nna a shuŋ fo, sa ma asheŋ be kepinto nɛ m baa pin fo mbraana to.

Nshɛ 119:125 ပူးပေါင်းရင်းမြစ်များ

Nshɛ 116:16

O Enyɛnpe Ebɔrɛ, n la fo kayɛrbi kashenteŋto nna; kananɛ n nio shuŋ fo na nɛ ma alɛ gba bee shuŋ fo na. Fo e mɔlga ma ashi luwu to.

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 119:29

Shin nɛ m baa gelge kafulesheŋ; wu ma kuwɔr nseŋ ŋini ma fo mbra na.

Nshɛ 119:34

Chɛ ma to nɛ m pin fo mbra to nseŋ wora kumo kasonu; saŋɛ na so, meeŋ ta ma kagbene kikɛ m bɛ kumo so.

Nshɛ 119:66

Sa ma kanyiasheŋ nɛ nfɛra lela, ŋkpal manɛ so, fo mbraana nɛ n yirda.

Nshɛ 119:94

Mɔlga ma, ŋkpal manɛ so, n la feya nna! Ma alɛ wora ania nna fanɛ meeŋ wora fo mbraana kasonu.

Nshɛ 86:16

Keni ma nseŋ wu ma kuwɔr! Sa fo kayɛrbi fo gbagba be eleŋ na nseŋ mɔlga fo kenyache pibinyɛn.

Aŋasa 14:8

Enyiashempo be kanyiasheŋ e naa ŋini mo ekpa, ama ewulpo bre be kawuli bee fule mo nna n ya kaa lɛ.

Aŋasa 9:10

Nɛ fee sha kanyiasheŋ, fo fara a ŋana Enyɛnpe Ebɔrɛ. Nɛ fo baa nyi Ebɔrɛ cheembi na, feeŋ baa pin asheŋ to.

Romebi 6:22

Ama naniere men ka nya menyi be amu ashi alubi to m ba ki Ebɔrɛ be anya ere bre, tɔnɔ mo nɛ menyee nya e la kebaawɔtɔ cheembi, kumo alɛ be lalaloge e la ŋkpa nɛ k maŋ kɔ ekar na.

2 Timoti 2:7

Baa fɛ le be asheŋ nɛ ŋ kaŋɛ fo ere be asheŋ nɛ Enyɛnpe e chɛ fo to nɛ fo pin kusɔ kama to.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.