Nshɛ 119:111 - EBƆRƐ BE KAWƆL

¹¹¹ Fo mbraana na la ma mpetɛsɔ nna mbaanaayɔ; amo e naa shin nɛ ma kagbene bee fuli ma.

Nshɛ 119:111 ပူးပေါင်းရင်းမြစ်များ

Nshɛ 119:127

Mee sha fo mbraana a chɔ shuwa, mee sha amo a chɔ shuwa gbagba gba.

Nshɛ 119:14

Kebaa bɛ fo mbraana so bee fuli ma kagbene a chɔ kebaakɔ kedama damta.

Nshɛ 119:162

Fo nnɔ naseso bee fuli ma kagbene nna fanɛ esa nɛ e nya yawu kpakpaso be asɔ lela kena to nna.

Nshɛ 119:174

Enyɛnpe Ebɔrɛ, fo nɛ mee jo nɛ fo mɔlga ma, ŋkpal manɛ so, fo mbra e naa fuli ma kagbene.

Nshɛ 119:74

Bumo nɛ baa bunyaŋ fo beeŋ wu ma nɛ bumo be ŋgbene e fuli bumo ŋkpal ŋ ka ta ma tama n wɔtɔ fo kamalga to so.

Nshɛ 119:92

Nɛ n daa maa nya kagbenefuli ashi fo mbraana to nna, ndafanɛ n wu ashi ma awurfoŋ to.

Nshɛ 16:5

Enyɛnpe Ebɔrɛ fo nawule nɛ ŋ kɔ. Fo alɛ bee sa ma kusɔ kama nɛ k tir ma. Fo enɔ to nɛ ma echefoso be kebaawɔtɔ wɔ.

Nshɛ 19:8

Enyɛnpe be mbra na bee niŋi ekpa, nsaa sa basa nɛ baa bɛ amo so na kagbenefuli nna. Enyɛnpe be mbra na di efuli nna, a shin nɛ esa bee pin kebaawɔtɔ to nɛnɛ.

Nshɛ 19:9

Kabɔrɛŋana walɛ nna, nsaa beeŋ baa wɔtɔ mbaanaayɔ. Enyɛnpe be mbra na la kashenteŋ nna. Amo alɛ maa wora a foe ekpa.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Ditɛronɔmi 33:4

Anyeeŋ wora mbra nɛ Mosis ta n sa anyi na kasonu. Anyi be kapetɛgboŋ nɛ anyee sha ga nna na.

Kɔlɔsiebi 1:12

ŋkpal manɛ so, mo e shin nɛ men daga kenya asɔ nɛ e kɔ a sa mbe basa na be ako ashi ebɔrɛso, kakpa nɛ kefulto wɔ na.

Hibruwebi 9:15

Amoso, mo e la kɔnɔkoŋwule be ŋkre popɔr na be ematapo, saŋɛ na so bumo nɛ Ebɔrɛ tre na beeŋ nya kɔnɔ naseso na be enɛfa nɛ a wɔtɔ mbaanaayɔ nɛ Ebɔrɛ kaŋɛ fanɛ e beeŋ sa na. Le be kesheŋ beeŋ tiŋ n wora nna ŋkpal Kristo ka wu nɛ mbe luwu na bee tiŋ a sɔ basa ashi bumo be alubi nɛ b daa kɔ a wɔ kɔnɔkoŋwule be ŋkre dra na to a yige so.

1 Pita 1:4

Kede e shin nɛ an kɔ tama nɛ k maa chɛrga nseŋ naa keni enɛfa damta nɛ Ebɔrɛ kɔ a jo mbe basa na ekpa. Ebɔrɛso nɛ e kɔ amo a jo menyi, kakpa nɛ a maaŋ tiŋ m bɛ ŋko n jija ŋko ŋ kpeŋ kikɛ na.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.