Nshɛ 119:11 - EBƆRƐ BE KAWƆL

¹¹ N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 119:11 ပူးပေါင်းရင်းမြစ်များ

Job be kawɔl 22:22

Sɔ keŋini kama nɛ e bee sa fo na, nseŋ ta mbe mmalga n wɔtɔ fo kagbene to.

Nshɛ 1:2

Bumo be kagbenefuli bee shi Enyɛnpe Ebɔrɛ na be keŋini be kebaawɔtɔ to nna; nɛ kumo be loŋ malɛ wɔ bumo be nfɛra to kapa nɛ kanyɛ.

Nshɛ 119:97

Mee sha fo mbraana na ga! Mee fɛ amo be asheŋ kachɛ lelemu kikɛ nna.

Nshɛ 19:13

Nseŋ pete ma ashi alubi be kekute n wora to. Sa maŋ shin nɛ loŋ be alubi e pɔɔ ma so. Saŋɛ na so ma nfɛra maaŋ ji m bri ma nɛ n ji n lar alubi to.

Nshɛ 37:31

E ta Ebɔrɛ be mbra na nna n wɔtɔ mbe kagbene to; amoso e bee pere kenishi nna a bɛ kumo so saŋkikɛ.

Nshɛ 40:8

“Kebaa wora fo aparsheŋ e naa fuli ma kagbene, amoso n ta fo mbra n wɔtɔ ma kagbene to nna.”

Aŋasa 2:1

M pibinyɛn, baa koya asɔ nɛ mee ŋini fo nsaa nyiŋi asɔ nɛ ŋ kaŋɛ fanɛ fo baa wora na saŋkikɛ.

Aizaaya 51:7

Menyi nɛ men nyi kusɔ nɛ k daga kewora na e nu nfe! Menyi nɛ men kɔ ma keŋini menyi be ŋgbene to na gba e nu nfe! Men sa maa ŋana basa nɛ baa tege menyi nsaa kaŋɛ menyi asheŋbesaso na.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Luuk 2:19

Mɛɛri malɛ daŋ ta asheŋ ere kikɛ nna n wɔtɔ mbe kagbene to a fɛ amo be nfɛra.

Luuk 2:51

Amo be kaman nɛ mo nɛ bumo bɛta n yɔ Nazarɛt nɛ e ya kaa wɔtɔ a nu a sa bumo. Nɛ mo nio ta asheŋ ere kikɛ n wɔtɔ mbe kagbene to a wɔtɔ.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.