Nshɛ 119:104 - EBƆRƐ BE KAWƆL

¹⁰⁴ Fo mbraana so nɛ mee bɔla a pin asheŋ to, amoso nɛ ŋ kishi efɛsheŋ kikɛ na.

Nshɛ 119:104 ပူးပေါင်းရင်းမြစ်များ

Job be kawɔl 32:9

Mannɛ kechɛr nfɛ to e naa shin nɛ esa bee nya kanyiasheŋ, ŋko a chɛ mo to nɛ e bee pin asheŋ to.

Nshɛ 101:3

Ma alɛ beeŋ kishi kusɔ nɛ basa nɛ b pal kaman n sa Ebɔrɛ bee wora na kikɛ.

Nshɛ 119:100

Ŋkpal ŋ ka bee wora fo mbraana kasonu so, ŋ kɔ kanyiasheŋ ga a chɔ basakpar gba.

Nshɛ 119:128

Mee bɛ fo mbraana kikɛ so nna, ŋ kishi ekpa lubi be yiri kikɛ be kebɔla so n wora asheŋ.

Nshɛ 119:163

Ŋ kishi efɛsheŋ ga; maa sha amo be asheŋ, ama mee sha fo mbra bre.

Nshɛ 119:34

Chɛ ma to nɛ m pin fo mbra to nseŋ wora kumo kasonu; saŋɛ na so, meeŋ ta ma kagbene kikɛ m bɛ kumo so.

Nshɛ 119:98

Fo mbraana maa lar ma nfɛra to kikɛ, amo alɛ bee shin nɛ mee pin asheŋ to a chɔ ma doŋana nna.

Nshɛ 36:4

B dese bumo be edesekpa gba alubi be kewora be ŋkre nɛ baa kre. B maa wora asheŋ lela kikɛ. Kulubi kama malɛ maa choŋ bumo so.

Nshɛ 97:10

Bekama nɛ baa sha Enyɛnpe Ebɔrɛ na kishi kulubi nna. Ŋkpal manɛ so, mo e naa kuŋ mbe basa nɛ baa ji kashenteŋ a sa mo na be ŋkpa nsaa kɔ a suge bumo ashi kumukpakpasowuraana be enɔ to.

Aŋasa 14:12

Kebaawɔtɔ ko bee kaa duli kebaawɔtɔ lela nna, ama kumo be lalaloge bee yɛr esa luwu to nna.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Matiu 7:13

Men bɔla kabunabi na to n luri. Ŋkpal manɛ so, ekpa nɛ k bee yɔ kemur be kakpa na kpalga to nna nɛ kumo be kabuna gba kpalga to. Nɛ basa nɛ baa bɔla kumo so a luri na malɛ shi.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.