Nshɛ 119:10 - EBƆRƐ BE KAWƆL

¹⁰ Meeŋ shuŋ fo nɛ ma kagbene kikɛ; sa maŋ shin nɛ n lar kebaawora fo mbraana kasonu to.

Nshɛ 119:10 ပူးပေါင်းရင်းမြစ်များ

2 Kronikɛls 15:15

Juda be basa kikɛ be ŋgbene daŋ fuli bumo nna ŋkpal b ka ta bumo be ŋgbene kikɛ n nase nnɔ n sa abar na so. Saŋkama nɛ baa bunyaŋ Ebɔrɛ, bumo be ŋgbene daa fuli bumo nna ŋkpal e ka daŋ sɔ bumo nseŋ sa bumo kagbenewushi ashi kusɔ kama to so.

Nshɛ 119:118

Fee lar bekama nɛ baa kini kebaawora fo mbraana kasonu na kaman nna; bumo alɛ be kafulesheŋ la asheŋ fuloŋ nna.

Nshɛ 119:133

Sa maŋ shin nɛ n tɔr fanɛ kananɛ fo nase kɔnɔ na, fo alɛ e sa maŋ shin nɛ kulubi e pɔɔ ma so.

Nshɛ 119:176

N la fo kayɛrbi nna nseŋ foe n luri to fanɛ kubolpɔ. Amoso jande fin ma, ŋkpal manɛ so, m maaŋ teŋ fo mbraana so kikɛ.

Nshɛ 119:2

Kagbenefuli la bekama nɛ baa bɛ mbe atande so, nsaa wora mo kasonu ashi bumo be ŋgbene to na peya nna.

Nshɛ 119:21

Fo e naa gberge kamoowuwuraana nɛ b maŋ la shɛŋ nseŋ kini kewora fo mbraana kasonu na kusoe.

Nshɛ 119:34

Chɛ ma to nɛ m pin fo mbra to nseŋ wora kumo kasonu; saŋɛ na so, meeŋ ta ma kagbene kikɛ m bɛ kumo so.

Nshɛ 119:58

Mee kule fo nna ashi ma kagbene to kikɛ fanɛ fo wu ma kuwɔr fanɛ kananɛ fo nase kɔnɔ na.

Nshɛ 119:69

Kamoowuwuraana ku efɛ n deŋi ma a fin kejija ma ketre; ama ma kagbene kikɛ nɛ ŋ kɔ a bɛ fo mbraana na so.

Nshɛ 125:5

Enyɛnpe Ebɔrɛ na baa gberge kumukpakpasowuraana kusoe, e beeŋ gberge bekama nɛ b yige mbe ekpaana n lɛ gba kusoe. Kayurwushi e baa wɔ Israɛl be basa so!

Nshɛ 23:3

Mo e naa sa ma eleŋ popɔr, nsaa ŋini ma kebaawɔtɔ niŋiso fanɛ kananɛ e nase kɔnɔ na.

Nshɛ 78:37

B daa maa ji kashenteŋ a sa mo; bumo alɛ daa maa bɛ mo nɛ bumo be kɔnɔkoŋwule be ŋkre so.

Aŋasa 2:13

Loŋ be basa e kini kebaawɔtɔ niŋiso nsaa wɔ tentembiri be alubi be kebaawɔtɔ to na.

Aŋasa 21:16

Esa nɛ e maa pin asheŋ to maa chɛr nsaa luri luwu to.

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Jɛremaya 3:10

Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”

Ezikɛl 34:6

Ma mbolpɔ ya kaa na abeegboŋ nɛ abeebi so nna. B daŋ pesaŋ to nna a wɔ durnya be kaplɛkama nɛ esa kikɛ malɛ daa maŋ keni n fin bumo.

Hoziya 10:2

Ŋgbene kpakpasowuraana beeŋ ji bumo be alubi be tɔnɔ. Enyɛnpe Ebɔrɛ beeŋ bure bumo be ebɔrɛsure na nseŋ jija bumo be agbirjembu nɛ b yuu na gba.

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

Kɔlɔsiebi 3:22

Anya, men baa bunyaŋ men nyɛnpeana kusɔ kama to, mannɛ fanɛ men ya kaa shuŋ nɛ baa keni menyi so nawule ŋkpal men ka baa sha men be asheŋ e baa par bumo so, ama men baa kɔ kagbene koŋwule a shuŋ ŋkpal men ka bee bunyaŋ Enyɛnpe Yesu Kristo na so.

1 Jɔn 2:15

Men sa maa sha durnya ere ŋko kusɔ kama nɛ k la durnya ere peya. Esa kama nɛ e bee sha durnya ere maŋ kɔ kasha a sa Etuto Ebɔrɛ na.

1 Samuɛl 7:3

Ndoŋ nna nɛ Samuɛl kaŋɛ Israɛlebi na le: “Nɛ men bɛta a ba Enyɛnpe Ebɔrɛ kutɔ bre, kumo ere a daga men ka yige efuli pɔtɛana so be agbir nɛ kegbirche Ashtɔrɛf be kebaashuŋ, nseŋ ta men be ŋgbene kikɛ n sa Enyɛnpe Ebɔrɛ, nsaa bunyaŋ mo nawule. Saŋɛ na so e beeŋ mɔlga menyi ashi Filistiebi na be enɔ to.”