Nshɛ 118:6 - EBƆRƐ BE KAWƆL

⁶ Enyɛnpe Ebɔrɛ na ka wɔ ŋ kutɔ so, m maaŋ naa ŋana kufu. Manɛ nɛ dimɛdi beeŋ tiŋ n wora ma?

Nshɛ 118:6 ပူးပေါင်းရင်းမြစ်များ

Nshɛ 112:8

Shɛŋ maa fɔŋ bumo ŋko a da bumo kufu; b baa nyi geeŋ fanɛ bumo doŋana beeŋ ji n tɔr.

Nshɛ 146:5

Enyɛnpe Ebɔrɛ nɛ e la an nananyɛn Jeekɔb be Ebɔrɛ na bee nɛfa ekama nɛ e yirda mo nseŋ ta mbe kumu n to mo so na nna.

Nshɛ 23:4

Hale nɛ n na tentembiri to mina gba, kufu maa pɛ ma. Ŋkpal manɛ so, fo wɔ ma kutɔ. Fo kuwurkpabi nɛ fo kuchuchɔ e naa kuŋ ma.

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Nshɛ 56:10

Meeŋ fur fo ŋkpal fo kɔnɔ naseso be mmalga na so.

Nshɛ 56:11

Enyɛnpe Ebɔrɛ n yirda fo, amoso kufu maŋ kɔ ma. Manɛ nɛ dimɛdi beeŋ tiŋ n wora ma?

Nshɛ 56:12

Enyɛnpe ma Ebɔrɛ, meeŋ bɛ kɔnɔ nɛ n nase n sa fo na so. Meeŋ ta ma kechɔrɔ be kakɛ m bar fo.

Nshɛ 56:4

Meeŋ fur fo ŋkpal fo kɔnɔ naseso so. N yirda fo, amoso kufu maŋ kɔ ma. Manɛ nɛ dimɛdi beeŋ tiŋ n wora ma?

Nshɛ 56:5

Karechɛ kikɛ bedoŋ bee wu ma kulubi nna. Bumo be nfɛra e baa la kananɛ baaŋ wora n doro ma.

Nshɛ 56:9

Saŋkama nɛ m baŋ kule fo ndoŋana bee bɛta kaman nna. Kumo be loŋ e shin nɛ m pin fanɛ fo wɔ ma kutɔ.

Nshɛ 94:16

Wanɛ e naŋ yili ma kaman n tu ma ŋ kɔ basa lubi ere?

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Jɛremaya 20:11

Ama fo, Enyɛnpe Ebɔrɛ, nɛ fo shi ga nsaa kɔ eleŋ na ka wɔ ma kaman so, bekama nɛ baa kɔrfɛ ma na beeŋ wora ŋ gben. Baaŋ ji anishinyɔr mbaanaayɔ, ŋkpal manɛ so, b maaŋ nya kusɔ nɛ baa fin ma so na. Esa kama maaŋ teŋ bumo be ŋaba na so kikɛ.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Hibruwebi 13:6

Amoso, menyeeŋ tiŋ m puchi ŋ kaŋɛ fanɛ: “Enyɛnpe e la ma echɛtopo, m maaŋ baa lɔ kufu. Manɛ nɛ nyiŋgbasa beeŋ tiŋ n wora ma?”

1 Samuɛl 17:11

Sɔɔl nɛ mbe basa ka nu kusɔ nɛ Goliɛf kaŋɛ na, nɛ kufu pɛ bumo ga nɛ bumo be aba pɔ bumo.

1 Samuɛl 17:37

Enyɛnpe Ebɔrɛ na ka baŋ mɔlga ma ashi ebuluŋ nɛ eshishiri to ere bre, e beeŋ mɔlga ma ashi Filisti be kanyɛn ere gba be enɔ to.” Nɛ Sɔɔl malɛ kaŋɛ mo le: “Enyɛnpe Ebɔrɛ na beeŋ chɛ fo to, amoso baa yɔ n ya kɔ mo.”