Nshɛ 118:27 - EBƆRƐ BE KAWƆL

²⁷ Enyɛnpe Ebɔrɛ na e la Ebɔrɛ, mo e shin nɛ mbe kefulto nyaŋɛ n yuu anyi so! Men shin nɛ an ta abii be ayabi ŋ keta enɔ to nseŋ bɛ abar so a ji eyur a kulti bɔrɛsure na.

Nshɛ 118:27 ပူးပေါင်းရင်းမြစ်များ

1 Bewura 18:21

Nɛ anebi Elaija yɔ basa na kutɔ n ya kaŋɛ bumo le: “Nchɛ afanɛ nɛ men yɛ men ta n yili men be kagbene kukoŋwule? Nɛ Enyɛnpe na e la Ebɔrɛ, men baa shuŋ mo! Nɛ Baal malɛ e la Ebɔrɛ kumo ere men baa shuŋ mo alɛ gba!” Ama basa na daa maŋ tuge shɛŋ.

1 Bewura 18:39

Basa na kikɛ ka wu loŋ, nɛ b jɔŋɛ kasawule nseŋ boŋto ŋ kaŋɛ le: “Enyɛnpe na nawule e la Ebɔrɛ! Enyɛnpe nawule e la Ebɔrɛ!”

1 Kronikɛls 29:21

Kumo be ŋklade, nɛ b mɔ asɔbɔya n lara esarga n sa Enyɛnpe Ebɔrɛ na. Kumo be kaman nɛ b mɔ egbolu kagboŋ nɛ ekpakpa kagboŋ nɛ ekpakpafɔlbi kagboŋ n chɔɔ n lara sarga bɔrɛsure na so n sa mo. B daŋ ta asɔnuuso gba n ti so n lara sarga na.

Ɛsta 8:16

K daa la kagbenefuli nɛ kumu saŋɛ nna n sa Juwebi na kikɛ nɛ b nya tama fanɛ baaŋ kɔ m pɔɔ so.

Nshɛ 18:28

Fo Enyɛnpe Ebɔrɛ na e naa ŋini ma kefulto be ekpa, nsaa ta tentembiri a ki kefulto a sa ma.

Nshɛ 37:6

Shin nɛ fo asheŋ woraso niŋiso e baa kpa edɛ fanɛ karechɛ, nɛ kananɛ fee ji asheŋ nɛ amo be ekpa so, e baa di efuli fanɛ kapiidi be epeŋi.

Ɛksodɔs 27:2

Men wora kumo be esoso be abonfu ana na nɛ a baa du fanɛ alambɛ n shin nɛ bɔrɛsure na nɛ alambɛ na kikɛ e chɔga abar so a la kukoŋwule. Kumo be kaman nɛ men ta danyaŋ m mata bɔrɛsure na kikɛ so.

Ɛksodɔs 38:2

B daŋ wora kumo be esoso be abonfu ana na nɛ a du fanɛ alambɛ nna nseŋ shin nɛ bɔrɛsure na nɛ alambɛ na kikɛ chɔga abar so a la kukoŋwule. Kumo be kaman nɛ b ta danyaŋ m mata bɔrɛsure na kikɛ so.

Aizaaya 60:1

Jerusalɛmebi, men koso n nyɛkpɛ n fulto fanɛ epeŋi. Karechɛ popɔr bee chɛ menyi so nna na. Ŋkpal manɛ so, Enyɛnpe Ebɔrɛ be kemaŋkura nyaŋɛ n yuu menyi so nna!

Aizaaya 9:2

Basa nɛ baa nite tentembiri to na wu kefultogboŋ ko. Kumo e la kebaanyi Ebɔrɛ na. Kefultogboŋ na lar nna n fulto n yuu ekama nɛ e wɔ kasawule nɛ k la luwu be tentembiri mina na so so.

Maika 7:9

N wora alubi n da Enyɛnpe Ebɔrɛ na so, amoso meeŋ wora kanyiti n ji mbe agbo be tɔrɔ n ya fo saŋɛ nɛ e beeŋ ba kɔ n sa ma. M baa nyi geeŋ fanɛ e beeŋ naŋ shin nɛ asheŋ a nyalɛ nɛ e juŋkpar ma m ba kefulto to.

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.