Nshɛ 116:13 - EBƆRƐ BE KAWƆL

¹³ Meeŋ bar yabra belbelso be sarga m ba di Enyɛnpe Ebɔrɛ na epaŋ, ŋkpal e ka mɔlga ma so.

Nshɛ 116:13 ပူးပေါင်းရင်းမြစ်များ

Nshɛ 105:1

Men baa di Enyɛnpe Ebɔrɛ na epaŋ nsaa kule Ebɔrɛ ashi mbe ketre to! Men baa kaŋɛ efuli kikɛ so ebi kusɔ nɛ e wora be asheŋ.

Nshɛ 116:17

Meeŋ lara sarga n di fo epaŋ nseŋ shu n tre fo ashi ma kabɔrɛkule to.

Nshɛ 116:2

Ŋkpal e ka bee kaŋ kusoe a nu ma kekule so, meeŋ baa shu a tre mo jemanɛ kikɛ ashi ma kebaawɔtɔ to.

Nshɛ 16:5

Enyɛnpe Ebɔrɛ fo nawule nɛ ŋ kɔ. Fo alɛ bee sa ma kusɔ kama nɛ k tir ma. Fo enɔ to nɛ ma echefoso be kebaawɔtɔ wɔ.

Nshɛ 80:18

Anyi maaŋ naŋ lar fo kaman kikɛ. Sa anyi ŋkpa popɔr nɛ an baa bunyaŋ fo.

Aizaaya 12:4

Kachako bee ba nɛ basa e boŋ kashɛ ŋ kaŋɛ le: “Ta kechɔrɔ n sa Enyɛnpe Ebɔrɛ na! Tre mo fanɛ e chɛ fo to! Kaŋɛ efuliana na kusɔ nɛ e wora! Kaŋɛ bumo kananɛ e shi be asheŋ!

Luuk 22:20

Men baa wora loŋ a nyiŋi ma.” Ajibi na be kaman nɛ e ta kawiebi na malɛ n wora kananɛ e daŋ keta bodobodo na n wora na nseŋ kaŋɛ bumo: “Kawiebi ere to be asɔnuuso nɛ baa duga a sa menyi ere e la Ebɔrɛ nɛ dimɛdi be kɔnɔkoŋwule be ŋkre popɔr nɛ k wɔtɔ ŋkpal ma ŋklaŋ so na.

1 Kɔrintebi 10:16

An ka bee kaa ji Enyɛnpe be kejibi na nsaa kule mbe nɛfa a wɔtɔ asɔrso be asɔnuuso be kawiebi nɛfaso to a nuu amo na, anyi kikɛ nɛ Kristo maŋ wɔ kɔnɔkoŋwule be kebaawɔtɔ to nna ŋkpal mbe ŋklaŋ so a? An ka bee kaa buri bodobodo na to nsaa we kumo na, anyi kikɛ nɛ Kristo maŋ wɔ kɔnɔkoŋwule be kebaawɔtɔ to nna ŋkpal mbe eyur so a?

1 Kɔrintebi 10:21

Men maaŋ tiŋ n nuu asɔnuuso ashi Enyɛnpe be kawiebi na to nseŋ naŋ tiŋ n nuu alizinaana peya to. Men maaŋ tiŋ n nya kakpa n chena Enyɛnpe be ejikpa n ji nseŋ naŋ nya kakpa n chena alizinaana be ejikpa n ji.