Nshɛ 114:4 - EBƆRƐ BE KAWƆL

⁴ Nɛ kewora fanɛ abeegboŋ nɛ abeebi ka bee tɛto a kulti fanɛ mbolpɔbi na.

Nshɛ 114:4 ပူးပေါင်းရင်းမြစ်များ

Nshɛ 18:7

Nɛ kasawule gbuŋgbuŋ to m baŋɛ, nɛ abeegboŋ be kaseto gbuŋgbuŋ. A gbuŋgbuŋ nna ŋkpal Ebɔrɛ ka nya agbo so.

Nshɛ 29:6

Enyɛnpe Ebɔrɛ na be kamalga e naa shin nɛ Lebanɔn be kebeegboŋ na bee tɛto fanɛ kenabi, nɛ Hɛɛmɔn be kebeegboŋ malɛ bee tɛto fanɛ gbolu fɔlbi.

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Nshɛ 68:16

Kebeegboŋ, manɛ nna nɛ fee besa Zayɔn be kebeegboŋ nɛ Enyɛnpe na lara fanɛ mbe echenakpa nsaa wɔ kumo so saŋkama na eyur?

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Ɛksodɔs 20:18

Basa na ka daŋ wu bɔrɛ ka nyɛkpɛ m ponte nɛ kabel ponte awɔrso nɛ b wu edishi ka sɔ kebeegboŋ na kikɛ so na nɛ kufu pɛ bumo nɛ b chicha kufuso nseŋ bɛta n yɔ kufɔ n ya yili.

Nahum 1:5

Abeegboŋ bee gbuŋgbuŋ to Enyɛnpe Ebɔrɛ na be anishito nna, nɛ abeebi bee ŋalga mbe anishito. E baŋ lar a ba kasawule kikɛ bee gbuŋgbuŋ nna nɛ durnya nɛ kumo be basa kikɛ e baa chicha.

Habakuk 3:6

Fo baŋ shir n yili, kasawule bee gbuŋgbuŋ nna, fo alɛ baŋ gbɛ ŋ keni malɛ efuliana na bee chicha nna. Dradra be abeegboŋ nɛ abeebi kikɛ bure to n tɔr. Ama fo ere wɔtɔ nna mbaanaayɔ!

Habakuk 3:8

O Enyɛnpe Ebɔrɛ, elɔrana e daŋ shin nɛ fo nya agbo a? Teku e daŋ shin nɛ fo kagbene kaa alegaiso a? Abɔrɛwɔlpa nɛ a bee bar bɔrɛfugboŋ na so nɛ fo chena fanɛ gbaŋɛturko na m bar kekɔmpɔɔso m ba sa fo basa.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.