Nshɛ 114:2 - EBƆRƐ BE KAWƆL

² Juda be kebonfu nɛ Ebɔrɛ daŋ ta ŋ ki mbe kakpa cheembi, nsaa wɔ ndoŋ a ji kuwura Israɛl be kasawule kikɛ so.

Nshɛ 114:2 ပူးပေါင်းရင်းမြစ်များ

Ɛksodɔs 15:17

Fo e naaŋ yɛr fo basa n ya chena fo gbagba be kebee so, kaboŋ nɛ fo, Enyɛnpe lara fanɛ k baa la fo pe nsaa la ebu cheembi nɛ fo gbagba pɔr na.

Ɛksodɔs 25:8

Ade be kaman nɛ fo shin nɛ basa na e yuu wajɛbu cheembi n sa ma, saŋɛ na so, meeŋ ba kaa wɔ bumo to.

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Levitikɔs 11:45

Ma e la Enyɛnpe Ebɔrɛ nɛ n lara menyi ashi Ijipt be efuli so m ba nɛ m baa kaa la men be Ebɔrɛ, amoso men baa du cheembi, ŋkpal manɛ so, n du cheembi nna.

Ditɛronɔmi 23:14

Ŋkpal menyi nɛ Enyɛnpe menyi be Ebɔrɛ na ka wɔ keeyi na to nɛ e bee kuŋ menyi nsaa shin nɛ menyee kɔ a pɔɔ men doŋana so so, a daga fanɛ men baa keni keeyi na so nɛnɛ nɛ k baa du farfarbi nsaa walɛ so daŋkare be ekpa so. Amoso men sa maŋ kaa wora ekishisheŋ nɛ k beeŋ shin nɛ Enyɛnpe Ebɔrɛ na e pal kaman n sa menyi kikɛ.

Ditɛronɔmi 27:12

Men kaŋ dii Jɔɔdan be lɔr na n loge, Simɔn nɛ Livai nɛ Juda nɛ Issaka nɛ Efreim nɛ Manase nɛ Bɛnjamin be eyiri to be basa e naŋ yili kebee nɛ baa tre Gɛrizim na so ŋ kaŋɛ Israɛlebi kikɛ enɛfa nɛ a wɔtɔ be asheŋ,

Ditɛronɔmi 27:9

Kumo be kaman nɛ Mosis nɛ bɔrɛmatapoana nɛ b shi Livai be yiri to na naŋ kaŋɛ Israɛl be basa na le: “Israɛl be basa, men nu ŋ kutɔ nfe. Kabre anyi bee nyiŋi menyi nna fanɛ men la Enyɛnpe menyi be Ebɔrɛ na be basa nna,

Ditɛronɔmi 7:6

A daga fanɛ men wora loŋ ŋkpal manɛ so, men la Enyɛnpe menyi be Ebɔrɛ na be basa gbagba nna. Efuli damtaana e wɔ durnya ere to, ama menyi Israɛl be basa nɛ e lara fanɛ men baa la mo gbagba be basa.

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.