Nshɛ 113:9 - EBƆRƐ BE KAWƆL

⁹ Eche kilpo baa maa kɔ mbia, Ebɔrɛ e naa nɛfa mo nɛ e bee nya mbia nɛ mbe kagbene e fuli. Men kpaŋ Enyɛnpe Ebɔrɛ na!

Nshɛ 113:9 ပူးပေါင်းရင်းမြစ်များ

Jɛnesis 25:21

Aizek nɛ Rebɛka ka ta abar Rebɛka daa maa kurge nɛ Aizek kule Enyɛnpe Ebɔrɛ na n sa mo nɛ Enyɛnpe Ebɔrɛ na nu mbe kabɔrɛkule na n shin nɛ Rebɛka di kedampo.

2 Bewura 4:17

Kusɔ nɛ Elaisha daŋ malga na bɔlɔ so. Kafɛ ka ya bɔ a ba nɛ kache na kurge ebinyɛn.

Nshɛ 68:6

Mo e naa ta bumo nɛ b maŋ kɔ basa a ki kanaŋ wurana. Mo e naa sɔ basa nɛ b ti ebu a yige, nsaa shin nɛ asheŋ bee nite nɛnɛ a sa bumo. Ama e bee yɛr bumo nɛ b kɔ asoe kpakpaso nsaa maa nu a sa mo na bre epeŋi kpakpaso be kasawule so nna.

Aizaaya 54:1

Jerusalɛm, fo daa du fanɛ egbentepo nna, ama naniere feeŋ tiŋ m boŋ nshɛ kagbenefuliso Naniere bre feeŋ nya mbia damta a chɔ eche kurgepo nɛ e kɔ ekul gba.

Nɔmbɛs 5:28

Ama nɛ fanɛ eche na maŋ jija ebu bre, kumo ere shɛŋ shɛŋ maaŋ wora mo. Mo alɛ beeŋ kurge mbia.

Galeeshaebi 4:27

Ŋkpal manɛ so, le nɛ abɔrɛsibɛ na bee kaŋɛ: “Fo egbentepo nɛ fo maŋ naŋ kurge ŋ ku so, fo alɛ ŋkaa maŋ naŋ nya kakurge be ebesa ere, baa kɔ kagbenefuli nseŋ bugi kɔnɔ n wora kagbenefuliso be awɔr. Ŋkpal manɛ so, eche nɛ b kini na beeŋ nya bibi a chɔ emo nɛ e kɔ ekul a wɔtɔ na.”

1 Samuɛl 2:5

Basa nɛ b daa nya a ji yɛlyɛla so na bee ji paa nna a fin bumo be kusɔ jiso naniere, ama bekama nɛ akoŋ daa mɔ na bre maŋ naa shu akoŋ. Fo e shin nɛ egbentepo kurge mbia ashunu, nɛ bibi damta bumo nio malɛ paŋ mbe mbia kikɛ.