Nshɛ 112:9 - EBƆRƐ BE KAWƆL

⁹ Baa bugi ŋgbene nna a kɛ betentaŋasepo asɔ nɛ bumo be kelela be kewora malɛ maŋ kɔ ekar. Amoso basa bee nyiŋi bumo jemanɛ kikɛ nna.

Nshɛ 112:9 ပူးပေါင်းရင်းမြစ်များ

Nshɛ 111:3

Enyɛnpe Ebɔrɛ na be asheŋ woraso kikɛ kɔ bunyaŋ nɛ kemaŋkura nna. Kusɔ kama nɛ e bee wora malɛ niŋi nna mbaanaayɔ.

Nshɛ 112:3

Baaŋ nyalɛ nseŋ dii dama; nɛ ekama malɛ e baa nyiŋi bumo ŋkpal bumo be aworbi ka niŋi so.

Nshɛ 75:10

O Enyɛnpe Ebɔrɛ, feeŋ mur basa lubi be eleŋ, nseŋ shin nɛ basa niŋiso bre be eleŋ e ti so.

Nshɛ 92:10

Fo shin nɛ n nya eleŋ fanɛ kupuntona nna, nɛ fo lara ma n yili n sa fo gbagba be kumu.

Nshɛ 92:11

Ŋ gbagba be anishi wu, nɛ ma asoe nu kumulubi nɛ kemur nɛ a ba bedoŋ so.

Aŋasa 14:24

Benyiashempo beeŋ nya kedamaya be tɔnɔ, ama bewulpo bre be kawulisheŋ e naa shin nɛ basa bee pin fanɛ b la bewulpo.

Aŋasa 19:17

Kekɛ etirpo kusɔ du fanɛ fo ka ta kumo m paŋ Enyɛnpe Ebɔrɛ nna; Ebɔrɛ beeŋ ka fo kumo be kukɔ.

Aŋasa 21:26

ŋkpal manɛ so saŋkikɛ e bee fin kenya kusɔ ko nna. Ama esa nɛ e bee wora asheŋ niŋiso bre bee kaa kɔ asɔ nna a kɛ saŋkama.

Kaŋinichiŋgeliŋ 11:6

Baa wule a koso kachipurdidi n ya kaa duu fo asɔduu nsaa pere kenishi a shuŋ a tɔr epeŋi. Ŋkpal manɛ so fo maaŋ tiŋ m pin fanɛ kachipurso peya na ŋko kaaseso peya na e naaŋ wora n lar tɔnɔ n sa fo.

Kaŋinichiŋgeliŋ 3:6

Mo e naa yili saŋɛ nɛ k daga dimɛdi ka fin nɛ saŋɛ nɛ k daga dimɛdi ka yige kafin, Mo e naa yili saŋɛ nɛ k daga keta asɔ n yili nɛ saŋɛ nɛ k daga keta asɔ n lɛ,

Aizaaya 32:8

Ama esa nɛ ekama bee sa bunyaŋ bre bee ji kashenteŋ nna nsaa yil kusɔ nɛ k niŋi so a wora asheŋ.

Aizaaya 58:10

nsaa sa basa nɛ akoŋ kɔ ajibi nseŋ naa chɛ bumo nɛ asheŋ tir bumo to, kumo ere kanyɛso beeŋ ki fanɛ kapiidi n sa menyi.

Aizaaya 58:7

Men baa chige menyi be ajibi to a sa basa nɛ b maŋ kɔ nɛ b ji nsaa sa bumo nɛ b maŋ kɔ edesekpa kakpa nɛ b dese ashi menyi peana. Menyi alɛ e naa chɛ basa nɛ b maŋ kɔ asɔbuuso to, a sa bumo asɔbuuso nsaa maa kini kebaachɛ men kurgepoana to.

Matiu 6:4

Loŋ e naaŋ shin nɛ fo kakɛ na e baa la wulo be kusɔ nɛ fo Tuto Ebɔrɛ nɛ e bee wu kusɔ nɛ basa bee wora wulo to na e chɔrɔ fo.”

Maak 14:7

Saŋkama menyi nɛ betirpo e naaŋ baa la, nɛ saŋkama nɛ menyee sha, menyeeŋ tiŋ n chɛ bumo to, ama ma ere nɛ menyi maaŋ baa la saŋkama.

Luuk 11:41

Kusɔ nɛ k daga kewora e la men ka bee ta asɔ ashi menyi be ekpanjawu to a kɛ betirpo nɛ kusɔ kama e nyalɛ n sa menyi.

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Luuk 16:9

Ade kikɛ be kaman nɛ Yesu kaŋɛ le: “To, ma e kaŋɛ menyi na fanɛ men baa ta durnya to be kanya a ji basa keteri, saŋɛ na so, nɛ a ba loge, menyeeŋ nya kowu ashi bumo kutɔ nɛ kumo be kebaawɔtɔ maŋ kɔ ekar na n ya kaa wɔtɔ.

Luuk 18:22

Yesu ka nu loŋ nɛ e kaŋɛ kanyɛn na le: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ nyam n ta amo be amansherbi n chige betirpo. Loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Baru lela nɛ Jɔn kute na 13:29

Ŋkpal Judas ka daa keni katuŋ na be amansherbi so so, bumo be beko daa fɛ fanɛ Yesu daa kaŋɛ mo nna fanɛ e ya tɔ Kejigboŋ na to be asɔ nɛ baaŋ baa sha m ba ŋko fanɛ e ta kusɔ ko n ya sa betirpo.

Ashuŋ Shunso 20:35

M bɔla kusɔ kama to ŋ ŋini menyi fanɛ kebaashuŋ le ere nɛ anyee chɛ bepɔshipo to nsaa nyiŋi Enyɛnpe Yesu gbagba be mmalga nɛ e kaŋɛ na: ‘Kakɛ kɔ kagbenefuli a chɔ kesɔ.’ ”

Ashuŋ Shunso 4:35

a ta amo be amansherbi na m ba kaa bɔɔ beshuŋipoana na enɔ nɛ b ta amansherbi na m barga to n sa ekama kanaŋkamaso nɛ a daga ekama ka nya.

Romebi 12:13

Men baa barga menyi be asɔ to a sa bekurgepoana nɛ b maŋ kɔ nsaa bugi menyi be nwu a sa bekurgepo nɛ b la befɔ.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Ditɛronɔmi 15:11

Kanaŋ kama nɛ asheŋ du, Israɛl be basa ko beeŋ baa la betirpo nɛ asheŋ e tir bumo. Amoso nɛ mee kaŋɛ menyi fanɛ men baa wora asheŋ a sa bumo yɛlyɛla so na.

Ditɛronɔmi 15:14

Men bugi ŋgbene n sa bumo mbolpɔ nɛ ayu nɛ yabra belbelso nɛ Enyɛnpe Ebɔrɛ na ta n nɛfa menyi na be ako.

Ditɛronɔmi 24:13

A daga fanɛ fo bɛta kumo n ya sa kumowura kaaseso, saŋɛ na so e beeŋ nya kumo m buu n dese nseŋ kule Enyɛnpe Ebɔrɛ na nɛ e nɛfa fo. Aloŋ nɛ Enyɛnpe menyi be Ebɔrɛ na be kagbene beeŋ fuli fo so.

1 Timoti 6:18

Ŋini bumo fanɛ b baa wora kelela nsaa la basa a bugi ŋgbene a sa basa bumo be asɔ na be ako.

Hibruwebi 13:16

Menyi alɛ e sa maŋ teŋ kebaawora kelela nɛ kebaata menyi be asɔana a chɛ abar to so, ŋkpal manɛ so, loŋ be esarga e naa par Ebɔrɛ.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

Kelaraŋŋini 22:11

Esa kama nɛ e bee wora alubi e baa kraa wora amo, ekama malɛ nɛ e kɔ eyurpi mo to e baa kraa du loŋ. Ekama nɛ e bee wora alela e baa kraa wora alela na nɛ ekama malɛ nɛ e du cheembi e baa kraa du cheembi loŋ.”

1 Samuɛl 2:1

Ndoŋ nna nɛ Haana boŋ kashɛ ŋ kaŋɛ le: “Enyɛnpe Ebɔrɛ shin nɛ ma kagbene fuli ma. Ma kagbene fuli ma ga ŋkpal Ebɔrɛ ka mɔlga ma nseŋ sa ma eleŋ so. Ŋkpal kusɔ nɛ Ebɔrɛ wora n sa ma ere so meeŋ mushe ma doŋana.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.