Nshɛ 112:7 - EBƆRƐ BE KAWƆL

⁷ B maaŋ baa ŋana baru lubi ŋkpal manɛ so, bumo be ŋgbene baa yil kakpa koŋwule nna nɛ baa yirda Enyɛnpe Ebɔrɛ na.

Nshɛ 112:7 ပူးပေါင်းရင်းမြစ်များ

Job be kawɔl 11:15

Nɛ fo wora loŋ, fo maŋ naŋ ji anishinyɔr fo alɛ beeŋ nya kenyɛn a maaŋ naa wɔ kufu be kebaawɔtɔ to.

Nshɛ 118:6

Enyɛnpe Ebɔrɛ na ka wɔ ŋ kutɔ so, m maaŋ naa ŋana kufu. Manɛ nɛ dimɛdi beeŋ tiŋ n wora ma?

Nshɛ 34:4

Ŋ kule Enyɛnpe Ebɔrɛ na nɛ e nu ma kekule, nseŋ sɔ ma n yige ashi asɔ nɛ a bee da ma kufu na to.

Nshɛ 49:6

Bumo ere yirda asɔ nɛ b kɔ nna nsaa puchi ŋkpal bumo be kedamaya so.

Nshɛ 57:7

Mee ji kashenteŋ nna a sa fo, nɛ feeŋ tiŋ n yirda ma. Meeŋ boŋ kashɛ nseŋ laŋ alaŋsɔ n sa fo ma, Ebɔrɛ na.

Nshɛ 62:8

Basa, men yirda Enyɛnpe Ebɔrɛ na nsaa kaŋɛ mo men be asheŋ tirso saŋkama. Ŋkpal manɛ so, Ebɔrɛ na nawule e la anyi be ekumpo.

Nshɛ 64:10

Basa nɛ baa wora asheŋ niŋiso na beeŋ ji eyur ŋkpal kusɔ nɛ Enyɛnpe na wora so; nseŋ ta bumo be amu ŋ ŋana Enyɛnpe na to.

Aŋasa 1:33

Ama esa kama nɛ e bee wora ma kasonu beeŋ nya kekuŋ. E maaŋ ba lɔ kufu fanɛ kusɔ lubi ko beeŋ wora mo.”

Danɛl 3:16

Nɛ Shaadrak nɛ Mɛshaak nɛ Abedneego kaŋɛ le: “Yiramu, anyi maa ba nɛ an malga ŋ kuŋ anyi be amu.

Luuk 21:19

Ama ekama nɛ e ji kanyiti n lar, e beeŋ nya mbe ŋkpa.

Luuk 21:9

Nɛ men kaŋ ba kaa nu fanɛ basa bee kɔ abar ana nseŋ naa nu alantokɔ be asheŋ, men sa maŋ shin nɛ menyi be ŋgbene e baa ku menyi, ŋkpal manɛ so, a daga fanɛ loŋ be asheŋ e juŋkpar n wora pɔɛŋ, ama lalaloge be jemanɛ na maaŋ bɛ so epul na to.”

Baru lela nɛ Jɔn kute na 14:1

Yesu yɛ: “Men sa maŋ shin nɛ men be ŋgbene e baa jija menyi. Men yirda n Tuto Ebɔrɛ, men baa yirda ma alɛ gba.

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

Ashuŋ Shunso 27:25

Amoso, men baa kɔ kenyɛn, ŋkpal manɛ so, n yirda Ebɔrɛ fanɛ kusɔ nɛ e kaŋɛ ma na maaŋ chɛrga kikɛ.