Nshɛ 111:10 - EBƆRƐ BE KAWƆL

¹⁰ Men baa bunyaŋ Enyɛnpe Ebɔrɛ na, ŋkpal manɛ so, ekpa nɛ esa beeŋ bɔla so n nya kanyiasheŋ nna na. Bekama nɛ baa bɛ mbe mbraana so na e naa pin asheŋ to nɛnɛ. Kapandi e baa la mo peya mbaanaayɔ.

Nshɛ 111:10 ပူးပေါင်းရင်းမြစ်များ

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Nshɛ 145:2

Meeŋ baa kpaŋ fo karechɛ kikɛ nsaa maŋkura fo ketre hale mbaanaayɔ.

Aŋasa 1:7

Kabɔrɛŋana e la kenyi be sososo. Ewulpo e naa kini kanyiasheŋ be kekoya nɛ kebela be kasogberge.

Aŋasa 3:4

Ŋkpal manɛ so nɛ fo baa wora loŋ, fo asheŋ beeŋ baa bɔlɔ Ebɔrɛ nɛ dimɛdi kikɛ kenishi.

Aŋasa 9:10

Nɛ fee sha kanyiasheŋ, fo fara a ŋana Enyɛnpe Ebɔrɛ. Nɛ fo baa nyi Ebɔrɛ cheembi na, feeŋ baa pin asheŋ to.

Kaŋinichiŋgeliŋ 12:13

Ade kikɛ be kaman, kusɔ koŋwule e ka nɛ ŋ kaŋɛ. Baa ŋana Ebɔrɛ nsaa bɛ mbe mbraana so. Ŋkpal manɛ so, loŋ so nɛ Ebɔrɛ to dimɛdi bomin.

Levitikɔs 19:14

Sa maŋ kaŋ shoduu kpawu ŋko n ta kusɔ ko n yili tanpo be ekpa to nɛ e ber kumo to. Men baa wora ma kasonu. Ma e la Enyɛnpe, men be Ebɔrɛ na.

Matiu 25:21

Nɛ mo nyɛnpe kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, naniere meeŋ ta asɔ damta m bɔɔ fo enɔ. Ba tu ma, fo nyɛnpe a nu ma kuwura to be ebel.’

Matiu 25:23

Nɛ mo nyɛnpe na kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, meeŋ ta asɔ damta m bɔɔ fo enɔ. Ba tu ma, fo nyɛnpe n nu ma kuwura to be ebel.’

Baru lela nɛ Jɔn kute na 12:43

Bumo alɛ ka daa sha mbo ashi basa kutɔ a chɔ Ebɔrɛ kutɔ na so e shin nɛ b daa wora loŋ.

Baru lela nɛ Jɔn kute na 13:17

Men baŋ pin asheŋ ere nsaa wora amo, nɛfa beeŋ baa la menyeya.”

Baru lela nɛ Jɔn kute na 5:44

Menyee sha kebaanya mbo abar kutɔ, ama men maa wora ania a fin mbo ashi Ebɔrɛ koŋwule na kutɔ nɛ nuso nɛ menyeeŋ wora n yirda?

Romebi 2:29

Kashenteŋto, dimɛdi be kebaawɔtɔ to e naa ŋini e ka la Juw nɛ kashenteŋ malɛ be keku na la kagbene to be kesheŋ, Ebɔrɛ be asheŋ nna, mannɛ kenishiso be asheŋ nna. Nɛ esa nɛ e ku loŋ na malɛ be kechɔrɔ bee shi Ebɔrɛ kutɔ nna, mannɛ nyiŋgbasa kutɔ.

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Kɔrintebi 4:17

Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

Ditɛronɔmi 4:6

Men ya ta kashenteŋji n wora amo kasonu nɛ efuli pɔtɛ so be basa na e wu kananɛ menyi be kanyiasheŋ du. Nɛ b kaŋ nu mbraana ere be asheŋ, baaŋ kaŋɛ le: ‘Efuligboŋ ere be basa nyi asheŋ nsaa pin asheŋ to pasaa!’ ”

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.