Nshɛ 111:1 - EBƆRƐ BE KAWƆL

¹ Meeŋ kpaŋ Enyɛnpe Ebɔrɛ na ashi ma kagbene to. Ma alɛ beeŋ di mo epaŋ ashi mbe basa be nshɛr to.

Nshɛ 111:1 ပူးပေါင်းရင်းမြစ်များ

Nshɛ 103:1

Meeŋ ta ma kagbene kikɛ n fur Enyɛnpe Ebɔrɛ na, nseŋ ta ma kebaawɔtɔ kikɛ ŋ kpaŋ mbe ketre cheembi na!

Nshɛ 106:1

Men kpaŋ Enyɛnpe Ebɔrɛ na! Men ta kechɔrɔ n sa Enyɛnpe Ebɔrɛ, ŋkpal manɛ so, e walɛ nna nɛ mbe kasha malɛ maa chɛrga hale mbaanaayɔ.

Nshɛ 106:48

Enyɛnpe, Israɛl be Ebɔrɛ, fo e daga esa ka kpaŋ fo mbaanaayɔ. Shin nɛ ekama e kaŋɛ, “Amɛn!” Men kpaŋ Enyɛnpe Ebɔrɛ na!

Nshɛ 107:32

Jemanɛ kikɛ nɛ men shɛr abar so, men baa ji Enyɛnpe Ebɔrɛ na be keshi be asheŋ. Menyi nɛ men be bejuŋkparpo malɛ baŋ shɛr, men ta bunyaŋ n sa Enyɛnpe Ebɔrɛ na.

Nshɛ 108:3

O Enyɛnpe Ebɔrɛ, meeŋ di fo epaŋ nɛ ekama e nu fo asheŋ ashi efuli kikɛ so. Meeŋ boŋ nshɛ ŋ kpaŋ fo ashi basa to.

Nshɛ 109:30

O Enyɛnpe Ebɔrɛ, meeŋ boŋ nshɛ ŋ kpaŋ fo nseŋ di fo epaŋ ga ashi fo basa be nshɛrana to.

Nshɛ 138:1

Meeŋ ta ma kagbene kikɛ ŋ kpaŋ fo; O Enyɛnpe Ebɔrɛ; meeŋ boŋ nshɛ ŋ kpaŋ fo ashi emalaika be anishito.

Nshɛ 149:1

Men baa kpaŋ Enyɛnpe Ebɔrɛ na! Men boŋ kashɛ popɔr n sa Enyɛnpe Ebɔrɛ na; men baa kpaŋ mo ashi kakpa nɛ mbe basa nɛ baa ji kashenteŋ a sa mo shɛr abar so na.

Nshɛ 22:23

Menyi nɛ menyee ŋana Ebɔrɛ na e fur mo. Menyi nɛ men la an nananyɛn Jeekɔb be kenana kikɛ e bunyaŋ mo. Israɛlebi, men shuŋ Enyɛnpe Ebɔrɛ na bunyaŋ so.

Nshɛ 22:25

Saŋɛ nɛ ma nɛ fo basa shɛr na, nɛ meeŋ fur fo ŋkpal kusɔ nɛ fo wora so; nseŋ tia nnɔ nɛ n nase n sa fo na ashi bumo be anishito.

Nshɛ 35:18

Saŋɛ na so meeŋ chɔrɔ fo ashi fo basa nɛ b shɛr be anishito; nseŋ yili bumo to n fur fo.

Nshɛ 89:5

O Enyɛnpe Ebɔrɛ, shin nɛ asɔ nɛ a wɔ ebɔrɛso e baa kpaŋ fo emamachisheŋ, nseŋ shin nɛ fo emalaika e baa kpaŋ fo kashenteŋji.

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Nshɛ 9:1

Enyɛnpe Ebɔrɛ, meeŋ bugi ma kagbene kikɛ n fur fo, nseŋ kaŋɛ etumasesheŋ nɛ fo wora kikɛ.