Nshɛ 110:3 - EBƆRƐ BE KAWƆL

³ Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Nshɛ 110:3 ပူးပေါင်းရင်းမြစ်များ

1 Kronikɛls 16:29

Enyɛnpe be ketre daga bunyaŋ, amoso men shin nɛ an maŋkura mo. Men ta men be sarga m ba mbe lambu to. Enyɛnpe cheembi na kaŋ lar a ba, a daga fanɛ men bunyaŋ mo.

Nehemaya 11:2

Ndoŋ nna nɛ basa na nɛfa bekama nɛ b shuli fanɛ bumo ere beeŋ yɔ Jerusalɛm n ya chena na.

Nshɛ 29:2

Men di mbe ketre nɛ k kɔ kemaŋkura na epaŋ; nseŋ bunyaŋ mo ŋkpal e ka du cheembi nsaa kɔ kemaŋkura so.

Nshɛ 96:9

Men baa yili Enyɛnpe Ebɔrɛ na be kela nɛ kecheembiya so a bunyaŋ. Durnya to ebi kikɛ e ta kechicha chicha m ba mbe anishito.

Ezikɛl 43:12

Mbra nɛ k dese a laŋɛ bɔrɛlambu na be kaplɛa so e la fanɛ, kaboŋ nɛ k kulti kumo ashi kebee na be awɔlto na kikɛ la kakpa cheembi gbagba nna.”

Maika 5:6

Anyi be bejuŋkparpo lempoana ere beeŋ keta benapo nɛ b kɔ eleŋ ga n ya kɔ m mɔlga anyi ashi Asiriyaebi nɛ baa shuŋ kegbir nɛ baa tre Nimrɔd na be enɔ to jemanɛ nɛ baaŋ ba bure n luri anyi be kasawule to na.

Ashuŋ Shunso 1:8

Ama men baa nyi fanɛ Kiyoyu Cheeŋ na kaŋ gbelge menyi so, menyeeŋ baa kɔ eleŋ menyi to a malga ma asheŋ a sa basa ashi Jerusalɛm to nɛ Judiya kikɛ to nɛ Samɛria to nɛ durnya ere kikɛ nyam to.”

Ashuŋ Shunso 19:20

Ŋkpal le be asheŋgboŋ ere so Enyɛnpe be kubɔya na daŋ sɔ kakpa kikɛ nna nɛ basa damta bee yirda a ti so.

Ashuŋ Shunso 2:33

Ebɔrɛ shin nɛ e tiŋi luwu to n ya chena mbe jisoso, ebunyampo be kakpa nseŋ shin nɛ e nya Kiyoyu Cheeŋ nɛ Etuto na nase kɔnɔ fanɛ e beeŋ sa na. Asɔ nɛ menyee wu nsaa nu naniere malɛ kikɛ la mbe kakɛ nna.

Ashuŋ Shunso 2:41

Basa na be bedamta daŋ yirda Pita be kamalga na nɛ b bɛr bumo kabɔrɛbɛr. Kumo be kachɛ na basa fanɛ ŋgboŋ asa e ba ti beyirdapoana na so.

Ashuŋ Shunso 21:20

B ka nu mbe kamalga na nɛ bumo kikɛ di Ebɔrɛ epaŋ nseŋ kaŋɛ Pɔɔl: “Fo wu ai, ekurgepo, Jerusalɛm ere to be Juwebi damta gba ki beyirdapo naniere, ama bumo alɛ kraa mɔ bumo be amu nna a bɛ Mosis be mbra na so.

Ashuŋ Shunso 4:4

Ama jimaŋ na to be bedamta nɛ b nu kubɔya na yirda kumo, nɛ beyirdapoana na kikɛ fo fanɛ basa ŋgboŋ anu.

2 Kɔrintebi 13:4

Kashenteŋto, kapɔshi to nɛ b daŋ gbir mo kedibi largato so, ama Ebɔrɛ be eleŋ nɛ e kɔ a wɔ ŋkpa to naniere. Loŋ nɛ anyi alɛ gba la bepɔshipo mo to, ama ŋkpal Ebɔrɛ be eleŋ so, an tu Kristo na nna a wɔ ŋkpa to nɛ an shuŋ menyi.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.

2 Kɔrintebi 8:16

Mee chɔrɔ Ebɔrɛ ga ŋkpal e ka ta kagbene koŋwule be kasha mo nɛ an kɔ a sa menyi na n wɔtɔ Taites be kagbene to so.

Ɛfesesebi 1:4

Kashenteŋto, pɔɛŋ nɛ Ebɔrɛ to durnya ere gba, e lara anyi nna fanɛ an baa la mo peya ashi Kristo to, saŋɛ na so anyeeŋ baa du cheembi a maa kɔ kulubi kikɛ mbe anishito.

Filipaiebi 2:13

Ŋkpal manɛ so, Ebɔrɛ e wɔ menyi to a shuŋ saŋkikɛ a shin nɛ menyee sha Ebɔrɛ nsaa tiŋ a nu a sa mo gbagba be aparsheŋ.

1 Tɛsalɔnikaebi 4:7

Ebɔrɛ maŋ tre anyi nna nɛ an ba kaa wɔ amɔmɔshiasheŋ to, e tre anyi nna nɛ an ba kaa wɔ kebaawɔtɔ cheembi to.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

Kelaraŋŋini 7:9

Ade be kaman nɛ ŋ keni n wu jimaŋ damta ko nɛ esa kikɛ maaŋ tiŋ ŋ karga bumo ka yil kuwurputi na nɛ Kpakpafɔlbi na be anishito. B daŋ shi efuli kama so nɛ yiri kama to nɛ basa kama to nɛ ŋgbar kama to nna m buu epiŋi fuful nseŋ daŋ keta abii be ayabiana.

Demujipoana 5:2

Anyeeŋ kpaŋ fo, Enyɛnpe Ebɔrɛ na! Ŋkpal manɛ so, Israɛlebi na kikɛ e yili kumo fanɛ baaŋ kɔ; basa na kikɛ malɛ e shuli so loŋ kagbenefuliso

Demujipoana 5:9

Mee maŋkura fo nna, Enyɛnpe Ebɔrɛ; ma alɛ bee di epaŋ nna ŋkpal bejuŋkparpo nɛ benapo nɛ b fuli kagbene n lar m ba kɔ na so.