Nshɛ 11:4 - EBƆRƐ BE KAWƆL

⁴ Enyɛnpe Ebɔrɛ na wɔ mbe bɔrɛlambu cheembi na to. E tase mbe kuwurputi so ashi ebɔrɛso nna a keni basa kaplɛkama. E bee wu kusɔ nɛ ekama bee wora.

Nshɛ 11:4 ပူးပေါင်းရင်းမြစ်များ

1 Kronikɛls 17:5

Yili jemanɛ so nɛ n lara Israɛlebi ashi Ijipt be efuli so dra dra na m ba fo kabre, m maŋ naŋ chena bɔrɛlambu to kikɛ. Kaplɛkama nɛ n yɔ malɛ, wajɛbu to nɛ mee luri.

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

Job be kawɔl 24:23

Ebɔrɛ beeŋ tiŋ n shin nɛ b baa wɔtɔ fanɛ shɛŋ ka maaŋ tiŋ n wora bumo na, ama mo alɛ be anishi wɔ bumo so jemanɛ kikɛ nna.

Nshɛ 103:19

Ebɔrɛ taŋɛ mbe kuwurji ebɔrɛso nna, mo alɛ nsaa ji kuwura asɔ toso kikɛ so.

Nshɛ 113:5

Esa kikɛ maaŋ tiŋ n ta mbe kumu m ber Enyɛnpe anyi be Ebɔrɛ na. Mo e chena mbe kuwurputi so ebɔrɛso

Nshɛ 139:23

O Ebɔrɛ, mige ma to ŋ keni, m pin ma kagbene to; wora ma ŋ keni m pin ma nfɛra fɛso.

Nshɛ 14:2

Enyɛnpe Ebɔrɛ wɔ ebɔrɛso a keni a fin fanɛ basa ko wɔtɔ a nyi asheŋ nsaa fin mo a?

Nshɛ 18:6

Nɛ n ta kebɔltofinfin n shu n tre Enyɛnpe Ebɔrɛ. N shu n tre ma Ebɔrɛ fanɛ e chɛ ma to; nɛ ma kushu tɔr mbe asoe to nɛ e yili mbe bɔrɛlambu to n nu ma ebɔl.

Nshɛ 2:4

Ebɔrɛ tase mbe kuwurputi so esoso nna ŋ kplaŋ bumo so, nsaa mushe bumo.

Nshɛ 33:13

Enyɛnpe Ebɔrɛ na wɔ ebɔrɛso nna a wu basa kikɛ.

Nshɛ 44:21

fo daŋ beeŋ pin; ŋkpal manɛ so, fo nyi kagbene to be ashiri kikɛ.

Nshɛ 66:7

E kɔ mbe eleŋgboŋ nna a ji kuwura mbaanaayɔ, nɛ efuliana na maaŋ tiŋ n wora shɛŋ shɛŋ ŋ ŋana mo so. Amoso, amukpakpasowuraana maaŋ tiŋ ŋ kre kena ŋ kɔ mo.

Nshɛ 9:11

Men boŋ nshɛ n fur Enyɛnpe Ebɔrɛ nɛ e wɔ Zayɔn be kebee so a ji basa so kuwura na, n shin nɛ efuliana e nu kusɔ nɛ e wora.

Aŋasa 15:3

Enyɛnpe Ebɔrɛ be anishi wɔ kaplɛkama nna, a wu kusɔ nɛ basa lubi nɛ belela kikɛ bee wora.

Aizaaya 66:1

Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 23:24

Kaplɛkama maŋ wɔtɔ nɛ esa e ŋana ndoŋ nɛ m maaŋ wu mo. Ŋkpal manɛ so, n wɔ ebɔrɛso nɛ kasawule so be kaplɛkama nna.

Maika 1:2

Menyi basa nɛ men wɔ durnya ere be efuliana kikɛ so e nu nfe! Menyi basa kama nɛ men wɔ kasawule ere kikɛ so gba e nu asheŋ ere! Enyɛnpetale Ebɔrɛ nɛ e wɔ mbe bɔrɛlambu cheembi to na, e naa shin nɛ e ji shɛda ŋ gbiti menyi.

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Zakareya 2:13

Ekama e wora shruum ashi Enyɛnpe Ebɔrɛ na be anishito, ŋkpal manɛ so, e koso kakpa cheembi nɛ e wɔ na nna a ba.

Matiu 23:21

Esa kama malɛ nɛ e bɔ bɔrɛlambu na bɔ kumo gbagba nɛ Ebɔrɛ nɛ e wɔ kumo to na nna na.

Matiu 5:34

Ama ma e kaŋɛ menyi na fanɛ men sa maa bɔ gba kuraa. Men sa maa bɔ ebɔrɛso, ŋkpal manɛ so, ndoŋ la Ebɔrɛ be kuwurputiakpa nna.

Ashuŋ Shunso 7:49

‘Ebɔrɛso e la ma kuwurjiakpa nɛ kasawule so la ma aya be kusɔ yiliso so. Nɛ nuso be ebu nɛ menyeeŋ pɔr n sa ma? Nnɛ nɛ meeŋ baa wɔ a wushi?

2 Tɛsalɔnikaebi 2:4

Kusɔ kama nɛ enyiŋgbasa bee bɛ so a kaŋɛ fanɛ k shi Ebɔrɛ kutɔ nna ŋko a tre kumo kabɔrɛshuŋ, alubipo na beeŋ ji kumo emɔrɔ ŋ ki kumo doŋ. E beeŋ wu mbe kumu hale n ya luri n chena bɔrɛlambu na to a tre mbe kumu Ebɔrɛ.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

Kelaraŋŋini 4:2

Epul na to nɛ Kiyoyu Cheeŋ na koso ma kikɛ to nɛ ŋ keni n wu kuwurputi ebɔrɛso nɛ esa ko tase kumo so.