Nshɛ 109:20 - EBƆRƐ BE KAWƆL

²⁰ Enyɛnpe Ebɔrɛ na e naŋ ka bedoŋ nɛ baa wu ma kulubi nsaa malga a gbiti ma na kukɔ.

Nshɛ 109:20 ပူးပေါင်းရင်းမြစ်များ

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

2 Samuɛl 18:32

Nɛ ewura na bishi le: “Absalɔm lar a? E beeŋ pete a?” Nɛ kenya na yɛ: “Kusɔ nɛ k nya mo ere daŋ nya fo doŋana nɛ bekama nɛ b nyaŋɛto a kɔ fo na nna, n dafanɛ k daa beeŋ par ma ga.”

1 Bewura 2:44

Fo gbagba ere nyi kulubi nɛ fo wora n tuto ewura Deevid. Enyɛnpe Ebɔrɛ na malɛ beeŋ gberge fo kusoe n tal to.

Nshɛ 110:1

Nɛ Enyɛnpe Ebɔrɛ na kaŋɛ n nyɛnpe, ewura na le: “Chena ma jisa so hale nɛ n ya shin nɛ fo ji eleŋ fo doŋana so.”

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 71:10

Bedoŋ bee malga a gbiti ma nna; b shɛr nna a kre ma kemɔ be nia.

Nshɛ 94:23

Ebɔrɛ beeŋ gberge kumukpakpasowuraana kusoe nseŋ mur bumo ŋkpal bumo be asheŋ lubi so. Enyɛnpe anyi be Ebɔrɛ na e naŋ mur bumo.

Matiu 11:19

Nɛ ma alɛ, Nyiŋgbasa Pibinyɛn ba kaa ji nsaa nuu nɛ ekama naa kaŋɛ le: ‘Men keni kanyɛn ere, ajibishapo nɛ nsanuupo nɛ lamposɔpoana nɛ alubiworapoana bumo teri e la mo.’ Ama enyiashempo be asheŋ woraso malɛ e naa ŋini kanyiasheŋ ka kɔ kashenteŋ.”

Matiu 12:24

Efarisiana na ka nu loŋ nɛ b kaŋɛ: “Mbuibi lubiana be ewura Biyɛlzibel e naa sa mo eleŋ nɛ e kɔ a ju mbuibi lubiana na.”

Maak 9:39

Nɛ Yesu kaŋɛ: “Men sa maa fin keju mo, ŋkpal manɛ so, ekama nɛ e ta ma ketre a wora emamachisheŋ, maaŋ tiŋ ŋ kilgi epul na to m malga alubi ŋ gbiti ma.

Luuk 19:27

Ade kikɛ be kaman nɛ enyɛnpe na kaŋɛ le: ‘To, naniere men ya pɛ ma doŋana nɛ b daŋ kaŋɛ fanɛ m maaŋ ki bumo be ewura na m ba teŋ bumo ma anishito.’ ”

1 Kɔrintebi 12:3

Amoso, mee sha fanɛ men pin fanɛ esa kikɛ nɛ e kɔ Ebɔrɛ be Kiyoyu na maaŋ tiŋ ŋ kaŋɛ le: “Kɔnɔso e baa wɔ Yesu so!” Esa kikɛ malɛ maaŋ tiŋ ŋ kaŋɛ: “Yesu e la Enyɛnpe” ama Kiyoyu Cheeŋ na e shin nɛ e kaŋɛ loŋ.

2 Timoti 4:14

Alɛkzaanda bɔyɛpo shuŋ ma ashuŋ lubi damta ga. Enyɛnpe bee ka mo mbe ashuŋ na be kukɔ.