Nshɛ 109:16 - EBƆRƐ BE KAWƆL

¹⁶ Ŋkpal manɛ so, e daa maŋ la esa kikɛ; e daa kɔrfɛ betirpo nɛ bematako nɛ betentaŋasepo nna a mɔ bumo.

Nshɛ 109:16 ပူးပေါင်းရင်းမြစ်များ

Jɛnesis 42:21

nseŋ kaŋɛ abar le: “K baŋ fuli nna fanɛ kusɔ nɛ an daŋ wora an sipo Josɛf na so so nɛ anyee nya le be kasogberge ere na. An daŋ wu kananɛ mbe kagbene kikɛ daŋ jija mo nɛ e daa yila kenishito fanɛ an wu mo kuwɔr nɛ an kini kenu. Kumo so nɛ le be kagbenejija ere ba anyi alɛ gba so na.”

Nshɛ 10:14

Ama fo Ebɔrɛ na bee wu tɔrɔ nɛ awurfoŋ ere kikɛ, nseŋ wora shiriya nɛ fo chɛ to. Basa nɛ baa wu awurfoŋ na bɔɔ fo enɔ nna. Fo e naa chɛ amunibi to na.

Nshɛ 10:2

Ŋkpensheŋ e luri m bɔlɔ basa lubi to nɛ baa fin bebɔlpo nɛ b baa tɔrɔ saŋkama. Shin nɛ b tɔr ajigbelɛ nɛ bumo gbagba sho na to.

Nshɛ 34:18

Enyɛnpe Ebɔrɛ na taga basa nɛ bumo be aba pɔ bumo na to nna. E bee mɔlga bekama nɛ b maŋ naa kɔ tama na nna.

Nshɛ 37:14

Belubiworapo bee pe nsaŋɛ nna nsaa gberge bumo be ata to a fin betirpo nɛ betentaŋasepo nɛ basa nɛ baa wora asheŋ niŋiso nɛ b mɔ.

Nshɛ 37:32

Belubiworapo bre bee ŋana nna a fin basa lela nɛ b mɔ.

Matiu 5:7

Kagbenefuli la kuwɔrwupoana peya nna, ŋkpal manɛ so, Ebɔrɛ beeŋ wu bumo alɛ gba kuwɔr.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.