Nshɛ 108:8 - EBƆRƐ BE KAWƆL

⁸ Fo yɛ, Giliad nɛ Manase be nsawule la feya nna; nɛ Efrayim la fanɛ fo kebɛlso be kusɔ kuŋkumuso, nɛ Juda malɛ la fanɛ fo kuwurkpabi.

Nshɛ 108:8 ပူးပေါင်းရင်းမြစ်များ

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

2 Samuɛl 2:8

Neer pibi Abna nɛ e daa la Sɔɔl be benapo be enimu na daŋ ta Sɔɔl pibi Ishboshɛf nna n shile n dii Jɔɔdan be lɔr na n yɔ Mahanaim.

2 Samuɛl 5:5

Nfɛ ashunu nɛ bargato nɛ e daŋ chena Hibrɔn ashi Juda be efuli so n ji kuwura, nseŋ naŋ chena Jerusalɛm malɛ n ji kuwura Israɛl nɛ Juda kikɛ be efuli so nfɛ adesa nɛ asa.

Nshɛ 122:5

Ndoŋ nɛ Israɛl be bewura bee chena a ji bumo be basa demu.

Ditɛronɔmi 33:17

Gbolu be eleŋ nɛ Josɛf daa kɔ, nseŋ daŋ kɔ gbolu fɛlso malɛ be alambɛ. Mbe alambɛ na e la Manase be benapo ŋgboŋ to ŋgboŋ to nɛ Efreim be benapo ŋgboŋ to kudu. Benapo lempo na nɛ e beeŋ ta m pɔɔ efuliana na so hale n ya fo durnya be ekar.”

1 Samuɛl 28:4

Kachako nɛ Filisti be benapo na ba abar so m ba wora bumo be keeyi to m mata Shunɛm; nɛ Sɔɔl malɛ shin nɛ Israɛlebi na ya wora bumo be keeyi to ashi kebeegboŋ nɛ baa tre Gilbɔa na ase.