Nshɛ 107:8 - EBƆRƐ BE KAWƆL

⁸ A daga fanɛ men di Ebɔrɛ epaŋ ŋkpal mbe kasha nɛ k maa chɛrga, nɛ emamachisheŋ nɛ e bee wora a sa edimɛdi kikɛ na so.

Nshɛ 107:8 ပူးပေါင်းရင်းမြစ်များ

Nshɛ 107:15

A daga fanɛ men di Ebɔrɛ epaŋ ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ so.

Nshɛ 107:21

A daga fanɛ men di Ebɔrɛ epaŋ ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ na so.

Nshɛ 107:31

A daga fanɛ men di Ebɔrɛ epaŋ, ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ na so.

Nshɛ 111:4

Enyɛnpe Ebɔrɛ na maa shin nɛ anyee teŋ mbe emamachisheŋ so; Mo alɛ la esa nsaa wu kuwɔr nna.

Nshɛ 147:1

Men baa kpaŋ Enyɛnpe Ebɔrɛ na! Keboŋ nshɛ ŋ kpaŋ an Nyɛnpe Ebɔrɛ na walɛ ga. Kekpaŋ mo wɔ ebel ga nseŋ daga loŋ.

Nshɛ 34:3

Men ba chɛ ma to nɛ an malga Enyɛnpe na be keshi be asheŋ. Men shin nɛ an cha abar n fur mbe ketre.

Nshɛ 40:5

Enyɛnpe Ebɔrɛ, fo wora emamachisheŋ damta. Ŋkre nɛ fo kɔ n sa anyi shi m pɔɔ anyi be nfɛra so. Esa kama maŋ du fanɛ fo. M maaŋ tiŋ ŋ kute fo asheŋ woraso kikɛ.

Nshɛ 78:4

Anyi maaŋ ta amo ŋ ŋana anyi be mbia so. Anyeeŋ malga Enyɛnpe Ebɔrɛ na be eleŋgboŋ nɛ mbe asheŋgboŋ nɛ emamachisheŋ nɛ e wora na be asheŋ n sa anyi be mbia nɛ baaŋ ba anyi be kaman na.

Aizaaya 48:18

K daa beeŋ par ma ga fanɛ men ka beeŋ bɛ kusɔ nɛ n yili n sa menyi so! Aloŋ daa beeŋ shin nɛ men nya nɛfa fanɛ kananɛ kabombi bee nya nchu nsaa maa wɔlto na. Men daa beeŋ baa kɔ a pɔɔ so fanɛ kananɛ ketili bee ku teku so a ba kedeŋi so na.

Aizaaya 63:7

Meeŋ malga Enyɛnpe Ebɔrɛ na be alelasheŋ be asheŋ nseŋ kpaŋ mo ŋkpal asɔ nɛ e bee wora a sa anyi so. E nɛfa Israɛl be basa ga nna ŋkpal mbe kuwɔrwu nɛ kasha nɛ k wɔtɔ jemanɛ kikɛ na so.

Danɛl 6:27

Mo e naa mɔlga basa nsaa sɔ bumo a yige na. Mo e naa wora emamachisheŋ ashi ebɔrɛso nɛ kasawule so kikɛ. Mo e mɔlga Danɛl nɛ ebuluŋ maŋ tiŋ m mɔ mo ŋko n doro mo na.”

Ditɛronɔmi 32:29

B maaŋ tiŋ m pin kusɔ nɛ k ba nɛ b kɔ n tɔr, bumo alɛ maaŋ tiŋ m pin kananɛ asheŋ na beeŋ loge to gba.

Ditɛronɔmi 5:29

Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.