Nshɛ 107:43 - EBƆRƐ BE KAWƆL

⁴³ Ekama nɛ e kɔ kanyiasheŋ, e baa nyiŋi asheŋ ere nsaa fɛ Enyɛnpe Ebɔrɛ na be kasha nɛ k maa loge na be asheŋ.

Nshɛ 107:43 ပူးပေါင်းရင်းမြစ်များ

Nshɛ 28:5

Bumo be shɛŋ maŋ wɔ Enyɛnpe Ebɔrɛ be asheŋ to. Amoso e beeŋ gberge bumo kusoe nseŋ mur bumo cheche.

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Nshɛ 64:9

Kufu beeŋ pɛ basa, nɛ b ji Ebɔrɛ be ashuŋ shuŋso be asheŋ be shɛda, nsaa fɛ kusɔ nɛ e wora na be asheŋ.

Aizaaya 42:20

Fo, Israɛl, wu asɔ damta ga, ama fo alɛ be lakal maŋ wɔ amo to. Fo kɔ asoe nɛ a beeŋ tiŋ n nu asheŋ, ama fo alɛ maŋ kaŋ asoe n nu shɛŋ.”

Aizaaya 5:12

Ejaŋjilaŋ nɛ echakachaka nɛ nlopi nɛ yabra nɛ menyee ta a ji menyi be amu ashi menyi be kasanuu be kejigboŋana to, ama menyi maa kaa fɛ asɔ nɛ Enyɛnpe Ebɔrɛ na wora be asheŋ.

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Jɛremaya 9:12

Kumo be kaman nɛ m bishi le: “Enyɛnpe Ebɔrɛ, manɛ nna nɛ kasawule na wɔl ŋ ki fanɛ keshishɛrsawule a dese nɛ esa kikɛ maŋ naa bɔla kumo so a choŋ? Wanɛ e nyi asheŋ nɛ e tiŋ m pin kumo to? Wanɛ nɛ fo bugi kumo to n sa nɛ mo alɛ e kaŋɛ beko kumo be asheŋ?”

Jɛremaya 9:24

Bekama nɛ baa sha kepuchi, b baa puchi ŋkpal b ka bee shuŋ ma, Enyɛnpe Ebɔrɛ na so. Ŋkpal manɛ so, ma kasha maa chɛrga, kusɔ nɛ k bɔla ekpa nseŋ niŋi nɛ mee wora. Asɔ nɛ e bee par ma nna na. Ma, Enyɛnpe Ebɔrɛ e kaŋɛ na.”

Danɛl 10:12

Ndoŋ nna nɛ e kaŋɛ le: “Danɛl sa maa lɔ kufu, baŋ yili saŋɛ nɛ fo fara m bar fo kumu ase a fin kepin asheŋ to na, nɛ Ebɔrɛ nu fo kabɔrɛkule nseŋ shuŋi ma fo kutɔ

Danɛl 12:10

Basa damta beeŋ lara alubi ashi bumo be ŋgbene to. Basa lubi bre maa ba nɛ b pin asheŋ to kikɛ, b kraa beeŋ lubi gba n ti so. Ama bekama nɛ b nyi asheŋ bre, beeŋ nya asheŋ be kepinto.

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.