Nshɛ 107:40 - EBƆRƐ BE KAWƆL

⁴⁰ Ama Enyɛnpe Ebɔrɛ na beeŋ sɔ menyi be kɔnɔ so ŋ kɔ basa nɛ b daŋ pɔɔ menyi so na n shin nɛ b baa nite cham cham keshishɛrsawule so.

Nshɛ 107:40 ပူးပေါင်းရင်းမြစ်များ

1 Bewura 21:19

n ya kaŋɛ mo fanɛ ma Enyɛnpe Ebɔrɛ na e naa kaŋɛ mo fanɛ naniere fo ka mɔ Nabɔf na, mbe kapetɛ e ka nɛ fo ta ŋko? Kaŋɛ mo fanɛ kakpa nɛ njɔnɔ dente Nabɔf be ŋklaŋ na, ndoŋ gbagba nɛ baaŋ dente mo alɛ gba be ŋklaŋ!”

Job be kawɔl 12:21

Mo e naa shin nɛ bewurgboŋ bee ji anishinyɔr, nsaa shin nɛ bumo be yuku bee ba ekar.

Job be kawɔl 12:24

Mo e naa shin nɛ efuliana na bewuraana bee ki bewulpo, nsaa mel to a nite keshishɛrsawule nɛ akpaana maŋ wɔ so na.

Nshɛ 107:4

Menyi be beko daŋ foe ashi keshishɛrsawule nɛ k maŋ kɔ shɛŋ na so nna, nsaa maŋ naŋ wu ekpa nɛ men bɛta m ba chena kadegboŋ na to.

Nshɛ 78:66

E daŋ bri mo doŋana nna n ju, n shin nɛ b ji nyɔmɔ mbaanaayɔ.

Ɛksodɔs 8:17

Nɛ loŋ wora. Ɛɛrɔn daŋ teŋi mbe kekpabi na nna ŋ ŋmɛa kasawule na be shishɛr so nɛ eshishɛr na kilgi asɔ firgiso duŋso ko m mel edimɛdi nɛ asɔbɔya kikɛ so. Ijipt be kasawule so be eshishɛr kikɛ daŋ kilgi asɔ firgiso duŋso na nna n sɔ Ijipt be kaplɛkama.

Ɛksodɔs 8:24

Ndoŋ nna nɛ Enyɛnpe Ebɔrɛ wora loŋ n shin nɛ ashushombi damta ba m ba bɔlɔ Fɛɛro be kowu kikɛ to nɛ beko malɛ yɔ mbe beyaasepoana be elaŋana to nɛ Ijipt be kasawule so kikɛ a sha kejija kasawule na kikɛ kuraa.

Ɛksodɔs 8:3

Nail be lɔr ere kikɛ beeŋ bɔlɔ epulo nɛ b lar m ba fo laŋ to m ba luri fo ebu deseto to n dii n sɔ fo gedo so. A beeŋ luri fo beyaasepoana nɛ fo basa kikɛ be elaŋana to. Epulo beeŋ ba kaa wɔ men be bodobodo be etɔkpaana nɛ men be asɔ nɛ menyee gbiti ebodobodo kikɛ to.

Ɛksodɔs 8:4

Epulo na beeŋ ba kaa dii fo nɛ fo basa nɛ beyaasepo kikɛ so.”

Danɛl 4:33

Nɛ mmalga na bɔlɔso epul na to. Ewura Nebukadneeza daŋ lar edimɛdi to nna n ya ka ji afitiri fanɛ kena. Bunyaŋ daa tɔr mbe eyur so nna nɛ mbe afuibi daŋ tenteŋ fanɛ kusore be atɛ, nɛ mbe ashilbi nɛ anashibi be akuti kikɛ daŋ tenteŋ fanɛ kabuibi be akuti na.

Ashuŋ Shunso 12:23

Epul na to nɛ Enyɛnpe be malaika ba ta kulɔ n lɛ Hɛrɔd so ŋkpal e ka maŋ ta kemaŋkura na n sa Ebɔrɛ so. Ashushombi e daŋ ji mbe eyur nɛ e wu.

Ditɛronɔmi 32:10

E wu bumo nɛ baa nite keshishɛrsawule so nna, kakpa nɛ k dese fuloŋ nɛ afu bee muu shishɛr a yɔ a ba na. Ndoŋ nna nɛ e kuŋ bumo ŋ keni bumo so nɛnɛ, fanɛ kananɛ e bee kuŋ mo gbagba be kumu na.

Kelaraŋŋini 19:18

n ji bewurgboŋana be eyurana nɛ benapo be benimuana be eyurana nɛ basa lempoana be eyurana nɛ egbaŋɛ nɛ amo be bediipo nɛ basa kikɛ be eyurana nɛ bumo nɛ b wɔ bumo be amu nɛ bumo nɛ b la anya nɛ bewurbi nɛ begboŋi kikɛ be eyurana.”

Demujipoana 4:21

Ŋkpal Sisɛra ka daŋ gben ga so, k maŋ chɛr nɛ edi la mo nɛ e di. Ndoŋ nna nɛ Jaɛl ta wajɛbu na be keyir nɛ hamma nseŋ pete boeŋ boeŋ n yɔ kakpa nɛ e dese a di na n ya gbir keyir na mbe ketaya to m bɔl m mata kasawule nɛ e wu.

1 Samuɛl 5:9

B ka bar kumo Gaaf na nɛ Enyɛnpe Ebɔrɛ be kasogberge ba kade na to ebi gba so. Nɛ e shin nɛ keyeŋiyeŋi tɔr bumo so, nɛ achuubɔbɔ pɛ kade na to be basa, mbia nɛ benimu kikɛ.

1 Samuɛl 6:4

Nɛ basa na naŋ bishi le: “Nuso be kakɛ e daga an ka ta n ya sa mo?” Nɛ agbirwuraana na nɛ bekpalpo na kaŋɛ: “Men ta shuwa n lɔŋɛ asɔ anu fanɛ achuubɔbɔ nseŋ naŋ ta shuwa n lɔŋɛ eshiboe anu nɛ a yili n sa Filisti be bewura anu na, ŋkpal manɛ so kulɔ na teŋ pɛ menyi nɛ bewura na kikɛ.