Nshɛ 107:38 - EBƆRƐ BE KAWƆL

³⁸ Enyɛnpe Ebɔrɛ na beeŋ nɛfa menyi, nseŋ shin nɛ menyi be mbia e wora keshi; mo alɛ maaŋ shin nɛ menyi be ana e duga so.

Nshɛ 107:38 ပူးပေါင်းရင်းမြစ်များ

Jɛnesis 1:28

Ndoŋ nna nɛ Ebɔrɛ nɛfa bumo nseŋ kaŋɛ bumo le: “Men kurge n wora keshi n salga to n sɔ kasawule so kikɛ nsaa ji eleŋ kumo so. Men baa ji eleŋ ekɔrɔtɔ so nɛ mbuibi so nɛ asɔ gbeyeso kikɛ nyam so.”

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 17:16

Meeŋ nɛfa mo nseŋ shin nɛ e kurge ebinyɛn n sa fo. Meeŋ nɛfa mo n shin nɛ mbe mbia e ki efuli damta be bewura.”

Jɛnesis 17:20

N nu kusɔ nɛ fo kule a yɔ Ishmaɛl be kaplɛa so na, amoso meeŋ nɛfa mo alɛ gba nseŋ sa mo mbia damta nɛ kaman to ebi damta. Ade kikɛ be kaman e beeŋ ki bewurbi kuduanyɔ bumo tuto nɛ n shin nɛ mbe efuli e ki efuli lempo gboŋgboŋi.

Jɛnesis 30:43

Ŋkpal loŋ so Jeekɔb daŋ ba ki damawura gboŋgboŋi nna a kɔ asɔbɔya damta nɛ nyɛrbi nɛ mbita nɛ enyɔma nɛ ekurma ga.

Jɛnesis 31:9

Amoso fo keni a, Ebɔrɛ ta men tuto be asɔbɔya nna n sa ma.

Jɛnesis 9:1

Ndoŋ nna nɛ Ebɔrɛ nɛfa Nowa nɛ mbe mbia na nseŋ kaŋɛ bumo le: “Men kurge n wora keshi n sɔ kasawule so kikɛ.

Job be kawɔl 12:23

Mo e naa shin nɛ efuli bee ki efuligboŋ nsaa nya eleŋ, kumo be kaman nɛ e naŋ pɔ amo so m mur amo na.

Ɛksodɔs 1:12

Ama kanaŋkama nɛ b daŋ baa tɔrɔ Israɛlebi na, bumo alɛ daŋ baŋ kraa wora keshi nna a ti so nseŋ sɔ kasawule na so kikɛ nɛ Ijiptebi na fara a ŋana Israɛlebi na alegaiso.

Ɛksodɔs 1:7

Ama bumo be kaman to ebi, Israɛlebi na, daa kurge nna ga n wora keshi n sɔ kasawule na so kikɛ.

Ɛksodɔs 12:38

Basa pɔtɛ damta gba daŋ ti bumo so n yɔ. B daŋ keta asɔbɔya fanɛ mbolpɔ nɛ mboe nɛ ana kikɛ n ti so n yɔ.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Jɛremaya 30:19

Basa nɛ baaŋ baa wɔ ndoŋ na beeŋ boŋ kapandi be nshɛ; nseŋ wora awɔr kagbenefuliso Meeŋ nɛfa bumo n shin nɛ b salga n wora keshi, nɛ efuli pɔtɛana so be basa e kemaŋkura bumo.

Ezikɛl 37:26

Ade kikɛ be kaman, ma nɛ bumo beeŋ luri kɔnɔkoŋwule be ŋkre to a ŋini kayurwushi nɛ baaŋ baa wɔtɔ to hale mbaanaayɔ. Ma alɛ beeŋ shin nɛ b baa wɔtɔ nseŋ wora keshi n ti so nɛ ma bɔrɛlambu na e baa wɔ bumo to mbaanaayɔ.

Ditɛronɔmi 28:11

Enyɛnpe Ebɔrɛ na beeŋ sa menyi mbia nɛ asɔbɔya nɛ adɔjibi damta ashi kasawule nɛ e nase kumo be kɔnɔ n sa menyi nananyɛnana na so.

Ditɛronɔmi 28:4

Enyɛnpe Ebɔrɛ na beeŋ nɛfa menyi nɛ men nya mbia nɛ adɔjibi nɛ ana nɛ mbolpɔ damta.

Ditɛronɔmi 30:9

Kumo be kaman, Enyɛnpe menyi be Ebɔrɛ na beeŋ shin nɛ men nya mbia nɛ asɔbɔya damta nseŋ naŋ shin nɛ menyi be adɔjibi e wora ga. Kananɛ e daŋ fuli kagbene n shin nɛ asheŋ nite nɛnɛ n sa men nananyɛnana na, aloŋ nɛ e beeŋ fuli kagbene n shin nɛ asheŋ e nite nɛnɛ n sa menyi alɛ gba.

Ditɛronɔmi 7:13

Enyɛnpe menyi be Ebɔrɛ na beeŋ baa sha menyi nseŋ nɛfa menyi, saŋɛ na so menyeeŋ kurge mbia damta n salga to. Mo alɛ beeŋ naŋ nɛfa menyi be adɔsawule, saŋɛ na so, menyeeŋ nya ajibi damta nɛ yabra belbelso nɛ ɔlif be ŋku, nɛ menyi be ana nɛ mbolpɔ e kurge ga. Kasawule nɛ e nase kumo kɔnɔ n sa men nananyɛnana na so nɛ e beeŋ sa menyi enɛfa ere na.

Ditɛronɔmi 7:14

Enyɛnpe Ebɔrɛ na beeŋ nɛfa menyi a chɔ efuli kama so be basa ashi durnya ere to. Menyi to be enyɛn ŋko eche kama maaŋ ki egbentepo. Menyi be kusɔbɔya kama malɛ maaŋ fir.