Nshɛ 107:33 - EBƆRƐ BE KAWƆL

³³ E shin nɛ elɔr wɔlto ŋ ki keshishɛrsawule, nɛ achubu malɛ ki nsawule wɔlso,

Nshɛ 107:33 ပူးပေါင်းရင်းမြစ်များ

1 Bewura 18:5

Obadaya ka ba nɛ ewura Ahab kaŋɛ mo le: “Shin nɛ an yɔ efuli ere be abuye nɛ kumo be ataŋɛ kikɛ to n ya keni anyeeŋ nya afitiri ndoŋ nɛnɛ nɛ anyi be egbaŋɛ nɛ ekurma e baa ji a? Saŋɛ na so an maaŋ mɔ amo be kekama ŋkpal akoŋ so.”

Nshɛ 74:15

Fo e daŋ shin nɛ kasawule pante n lar nchu ŋ ki fanɛ kebuye nɛ mbombi. Nseŋ shin nɛ elɔr nɛ a daa shile bre wɔlto na.

Aizaaya 42:15

Meeŋ mur abeebi nɛ abeegboŋ nseŋ shin nɛ ndibi nɛ afitiri e wɔl. Meeŋ shin nɛ elɔr nɛ mbombi e wɔl to nɛ apa e feeto.

Aizaaya 44:27

Jemanɛ kikɛ nɛ mee sha fanɛ eteku nɛ mbombi kikɛ e wɔl to, mee malga kenishipereso nna nɛ a bee wɔl to.

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Jɛremaya 14:3

Damawuraana shuŋi bumo be nyɛrbi nɛ mbita eboŋ to, nɛ b yɔ atirbu chiŋgeliŋ to nɛ b ya jɔ nchu, ama b maŋ nya nchu nɛ b jɔ. Ndoŋ nna nɛ aba pɔ bumo nɛ b bɛta nɛ mpuya fuloŋ.

Ezikɛl 30:12

Kumo be kaman nɛ n shin nɛ lɔrgboŋ nɛ baa tre Nail na e wɔlto nseŋ naŋ shin nɛ basa lubi e ba ji Ijipt be efuli so eleŋ. Befɔ beeŋ ba jija kasawule na nɛ k maaŋ naa kɔ tɔnɔ. Ma Enyɛnpe Ebɔrɛ na e kaŋɛ.”

Jowɛl 1:20

Ŋkpal kusɔ nɛ fo wora so, mbombi kikɛ wɔlto nɛ kupuŋ to be asɔbɔya maŋ naŋ nya nchu nɛ b nuu nsaa fute yeŋayeŋa.

Nahum 1:4

Mo e naa ponte teku nɛ elɔr so nɛ amo be nchu bee feeto nɛ a bee wɔlto. Mo koŋwule na e naa ponte nɛ Bashan be afitiri bumbuŋ bee bolo, nɛ Kamɛl be kebeegboŋ so be ndibi bee pere kpaw nɛ Lebanɔn be ndibi be atoto lela kikɛ bee terge.

Zefanaiya 2:13

Enyɛnpe Ebɔrɛ na beeŋ ta mbe eleŋgboŋ m mur Asiriya be efuli nseŋ shin nɛ kadegboŋ nɛ baa tre Ninɛve na e bure n dese fanɛ keshishɛrsawule nɛ k maŋ kɔ nchu na.

Zefanaiya 2:9

Ŋ ka baa la Enyɛnpe Ebɔrɛ nɛ e bee sa ŋkpa nsaa la Israɛl be Ebɔrɛ ere, m bɔ ntaŋ fanɛ Mowab nɛ Ammɔn be basa beeŋ mur fanɛ ndegboŋ nɛ baa tre Sodɔm nɛ Gomɔra na. Mowab nɛ Ammɔn be nsawule beeŋ ki kakpa nɛ basa beeŋ baa kur nfɔl nɛ afitiri e sɔ ndoŋ kikɛ. Ma basa nɛ baaŋ ji efute na beeŋ suge bumo be kasawule nɛ asɔ kikɛ eleŋso.”