Nshɛ 107:14 - EBƆRƐ BE KAWƆL

¹⁴ Tentembiri mina to nɛ e lara menyi nseŋ tuge menyi be ŋgbɛlɛbi nɛ men nya menyi be amu a ji.

Nshɛ 107:14 ပူးပေါင်းရင်းမြစ်များ

Job be kawɔl 15:22

Bumo be kelamba kikɛ e la tentembiri nɛ kepaŋ tama nɛ luwu.

Job be kawɔl 15:30

B maaŋ tiŋ ŋ gelge tentembiri kikɛ. Ebɔrɛ be agbo nɛ k bee suse wuloŋwuloŋ fanɛ edɛ na beeŋ mur bumo cheche.

Job be kawɔl 19:8

Ebɔrɛ kuŋ ekpa nna nɛ m maaŋ tiŋ n choŋ, mo alɛ shin nɛ ma ekpa ki tentembiri n sa ma nna.

Job be kawɔl 3:5

Shin nɛ k baa la kachɛ nɛ k biri to a la tentembiri plɔ; nseŋ shin awɔlpa e buu kumo so nɛ epeŋi e sa maŋ nyaŋɛ.

Job be kawɔl 33:30

nɛ an nya kumɔlga ashi luwu to. E bee bar anyi mbe kefulto nɛ k bee sa ŋkpa na to nna.

Job be kawɔl 36:8

Ama nɛ fanɛ basa wɔ kabuti to a ji awurfoŋ ŋkpal kusɔ nɛ b wora so,

Nshɛ 102:20

E daŋ nu basa nɛ b wɔ kabuti to ka bee shu to nna, nseŋ sɔ bumo nɛ b daŋ daga luwu na n yige.

Nshɛ 107:10

Menyi be beko daa wɔ kabuti to nna, a ji awurfoŋ tentembiri mina to nɛ ŋgbɛlɛbi kre menyi,

Nshɛ 116:16

O Enyɛnpe Ebɔrɛ, n la fo kayɛrbi kashenteŋto nna; kananɛ n nio shuŋ fo na nɛ ma alɛ gba bee shuŋ fo na. Fo e mɔlga ma ashi luwu to.

Nshɛ 146:7

Mo e naa ji asheŋ nɛ amo be ekpa so a sa betirpo nsaa sa bumo nɛ akoŋ kɔ kusɔ jiso. Enyɛnpe Ebɔrɛ na e naa lara basa nɛ b ti ebu ashi kabuti to.

Nshɛ 68:6

Mo e naa ta bumo nɛ b maŋ kɔ basa a ki kanaŋ wurana. Mo e naa sɔ basa nɛ b ti ebu a yige, nsaa shin nɛ asheŋ bee nite nɛnɛ a sa bumo. Ama e bee yɛr bumo nɛ b kɔ asoe kpakpaso nsaa maa nu a sa mo na bre epeŋi kpakpaso be kasawule so nna.

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Aizaaya 49:9

Kumo be kaman nɛ ŋ kaŋɛ basa nɛ b wɔ kabuti to le: “Men lar kabuti to!” Ma alɛ beeŋ kaŋɛ bumo nɛ b wɔ tentembiri to le: “Men lar tentembiri na to m ba kefulto to!” Baaŋ baa du fanɛ mbolpɔ nɛ a bee ji abeemase nna.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Luuk 13:16

Nɛ keni kananɛ Setani nyɔŋ kache ere to, Eebraham mo nanabi, nfɛ kuduaburwa kikɛ! Le be esa maŋ daga b ka suge mo ashi Setani be enɔ to kewushiachɛ a?”

Ashuŋ Shunso 5:19

Ama kumo be kanyɛso nɛ Enyɛnpe be malaika ba bugi kabuti na be mbuna nseŋ bar bumo kowu m ba kaŋɛ bumo:

Ashuŋ Shunso 5:25

Ndoŋ nna nɛ kanyɛn ko ba kaŋɛ bumo: “Men nu nfe, basa nɛ men ti ebu na yil bɔrɛlambu na to a ŋini basa.”

Ɛfesesebi 5:8

Ŋkpal manɛ so, dra na menyi alɛ gba daa wɔ tentembiri to nna, ama naniere bre men wɔ kefulto to nna ashi Enyɛnpe na to. Amoso, men baa wɔtɔ fanɛ basa nɛ b wɔ kefulto to.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.