Nshɛ 106:45 - EBƆRƐ BE KAWƆL

⁴⁵ E daŋ nyiŋi mbe kɔnɔkoŋwule be ŋkre na nna, nseŋ kpal kashagboŋ nɛ e kɔ n sa bumo na so n chɛrga mbe nfɛra a maŋ gberge bumo kusoe.

Nshɛ 106:45 ပူးပေါင်းရင်းမြစ်များ

2 Samuɛl 24:16

Ama Enyɛnpe Ebɔrɛ be Malaika ka daa shin nɛ e mur Jerusalɛm na, nɛ kuwɔr pɛ Enyɛnpe Ebɔrɛ nɛ e chɛrga mbe nfɛra a yɔ basa na be kasogberge na be kaplɛa so nseŋ kaŋɛ Malaika nɛ e bee mɔ bumo na le: “K nyalɛ loŋ. Lara fo enɔ ashi bumo be asheŋ to!” Kumo be jemanɛ na nɛ Malaika na wɔ Aruna nɛ e la Jebusi be esa na be kugooro na ase.

2 Bewura 13:23

Enyɛnpe Ebɔrɛ na daa wu Israɛlebi kuwɔr nna nsaa maa sha b ka mur ŋkpal mo nɛ bumo nananyɛnana Eebraham nɛ Aizek nɛ Jeekɔb be kɔnɔkoŋwule be ŋkre na so.

Nshɛ 105:8

E bee nyiŋi a bɛ mbe kɔnɔkoŋwule be ŋkre nɛ mbe nnɔ naseso nɛ e nase n sa menyi na so hale n ya fo yili kenana ko m ba tu kenana ko be ntuŋ kagboŋ so nna.

Nshɛ 135:14

Ŋkpal manɛ so, Enyɛnpe Ebɔrɛ maaŋ ji m bri mbe basa; e beeŋ wu bekama nɛ baa shuŋ mo na kuwɔr.

Nshɛ 136:23

Jemanɛ nɛ bedoŋ daŋ kɔ m pɔɔ anyi so na nɛ an daa wɔ etɔrɔ to na, e daa maŋ teŋ anyi so; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 51:1

Enyɛnpe Ebɔrɛ, wu ma kuwɔr ŋkpal fo kasha nɛ k maa loge na so. Kpra ma alubi ŋkpal fo kuwɔrwu na so.

Nshɛ 69:16

Enyɛnpe Ebɔrɛ, nu ma kekule, ŋkpal fo ka walɛ nsaa la esa so. Chɛ ma to, ŋkpal fo kuwɔrwu gboŋgboŋi na so.

Nshɛ 90:13

Enyɛnpe Ebɔrɛ, chɛ anyi to! Sa maŋ naŋ jo gbrɛbi kama! Wu fo nyɛrbi kuwɔr, n shu anyi so!

Ɛksodɔs 32:14

Ndoŋ nna nɛ Enyɛnpe Ebɔrɛ chɛrga mbe nfɛra nsaa maŋ naŋ bar tɔrɔ na bumo so.

Aizaaya 63:7

Meeŋ malga Enyɛnpe Ebɔrɛ na be alelasheŋ be asheŋ nseŋ kpaŋ mo ŋkpal asɔ nɛ e bee wora a sa anyi so. E nɛfa Israɛl be basa ga nna ŋkpal mbe kuwɔrwu nɛ kasha nɛ k wɔtɔ jemanɛ kikɛ na so.

Jɛremaya 18:8

nɛ efuli na so be basa tuba nseŋ yige bumo be asheŋ lubi na be kebaawora, m maaŋ naŋ wora kusɔ nɛ n daŋ kre kewora bumo na.

Nfabel 3:32

Hale nɛ e shin nɛ awurfoŋ ba anyi so gba, e kraa kɔ kushuso n sa anyi ŋkpal mbe kasha ka shi ga so.

Ezikɛl 16:60

Ama ma ere beeŋ wora m bɔlɔ kɔnɔkoŋwule be ŋkre nɛ ma nɛ fo kre fo kebia to kikɛ na so nseŋ naŋ shin nɛ ma nɛ fo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Levitikɔs 26:45

Meeŋ tiŋi kɔnɔkoŋwule be ŋkre nɛ ma nɛ bumo nanaana daŋ kre jemanɛ nɛ n daŋ lara ma basa ashi Ijipt be efuli so m ba nɛ efuliana na kikɛ wu ma eleŋgboŋ na to. Ma, Enyɛnpe Ebɔrɛ na beeŋ baa la bumo be Ebɔrɛ.”

Eemɔs 7:3

Ndoŋ nna nɛ Enyɛnpe Ebɔrɛ chɛrga mbe nfɛra nseŋ kaŋɛ le: “M maaŋ shin nɛ kusɔ nɛ fo wu ere e wora kikɛ.”

Eemɔs 7:6

Nɛ Enyɛnpe Ebɔrɛ naŋ chɛrga mbe nfɛra ŋ kaŋɛ le: “Loŋ maaŋ wora kikɛ.”

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

Demujipoana 10:16

Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.

Demujipoana 2:18

Jemanɛ kikɛ nɛ Enyɛnpe Ebɔrɛ na baŋ ya lara ejuŋkparpo n sa bumo, mo alɛ beeŋ chɛ loŋ be ejuŋkparpo na to nɛ e tiŋ m mɔlga bumo ashi bumo doŋana be enɔ to hale n ya fo fanɛ ejuŋkparpo na ka beeŋ wu. Ŋkpal manɛ so, jemanɛ kikɛ nɛ b baŋ ya kaa wɔ tɔrɔ to nseŋ shu n tre Enyɛnpe Ebɔrɛ na e bee wu bumo kuwɔr nna.