Nshɛ 106:36 - EBƆRƐ BE KAWƆL

³⁶ Ebɔrɛ be basa na daŋ shuŋ agbirana nna, nɛ kumo be loŋ shin nɛ kemur ba bumo so.

Nshɛ 106:36 ပူးပေါင်းရင်းမြစ်များ

2 Bewura 17:7

B daŋ kɔ m pɔɔ Samɛria so nna ŋkpal Israɛlebi na ka daŋ wora alubi ŋ gbiti Enyɛnpe bumo be Ebɔrɛ nɛ e mɔlga bumo ashi Ijiptebi be enɔ to nseŋ lara bumo Ijipt be kasawule so dra dra na nna. B daa shuŋ agbirana nna,

Nshɛ 78:58

B daŋ pɔr agbirana nna n yili agurɔŋgu so a shuŋ; n shin nɛ Ebɔrɛ be kukɔrkɔ koso nɛ e nya agbo ga.

Ɛksodɔs 23:33

Men sa maŋ kaŋ shin nɛ b chena men be kasawule so, nɛ mannɛ aloŋ, baaŋ shin nɛ men wora kulubi ŋ gbiti ma, ŋkpal manɛ so menyeeŋ baa shuŋ bumo be agbirana na, nɛ k ki fanɛ kejigbelɛ n sa menyi.”

Ditɛronɔmi 29:25

Kusɔ nɛ beko beeŋ kaŋɛ e la: “Basa ere ka lar bumo Nyɛnpe, nɛ e la bumo nananyɛnana be Ebɔrɛ na be kɔnɔkoŋwule be ŋkre nɛ mo nɛ bumo kre jemanɛ nɛ e lara bumo Ijipt be efuli so kaman

Ditɛronɔmi 7:16

A daga fanɛ men mur efuli kama nɛ Enyɛnpe Ebɔrɛ na shin nɛ men pɔɔ kumo be basa so na cheche nsaa maŋ wu bumo kuwɔr. Men sa maŋ kaa shuŋ bumo be agbirana, ŋkpal manɛ so, loŋ beeŋ tiŋ m bar menyi luwu.

Joshuwa 23:13

kumo ere men baa nyi fanɛ Enyɛnpe Ebɔrɛ na maaŋ naŋ ju basa ere saŋɛ nɛ menyee ba ere. Kumo be loŋ malɛ beeŋ shin nɛ b lubi ŋ ki fanɛ kejigbelɛ ŋko kejamaŋ nsaa besa fanɛ kramɔsha ka duŋ esa be kaman ŋko ewi ka da esa be kenishito na. Loŋ malɛ beeŋ baa wora nna hale nɛ men kikɛ e ya mur kasawule lela nɛ Enyɛnpe Ebɔrɛ na sa menyi ere so.

Demujipoana 10:6

Nɛ Israɛlebi na naŋ wora alubi ŋ gbiti Enyɛnpe Ebɔrɛ na nseŋ daa shuŋ Baal nɛ kegbir cheso nɛ baa tre Ashtɔrɛf na nɛ Siriya be efuli so be agbir nɛ Sidɔn be efuli so be agbir nɛ Mowab be agbir nɛ Ammɔnebi be agbir nɛ Filistiebi be agbir. B daŋ kplaŋ Enyɛnpe Ebɔrɛ na so nna nseŋ yige kebaashuŋ mo.

Demujipoana 2:17

Ama Israɛlebi na daa maa nu a sa bumo be bejuŋkparpo ere nsaa wɔtɔ a shuŋ agbirana. Bumo tutoana bre daŋ nu n sa Enyɛnpe Ebɔrɛ na nna, ama bumo ere maa nu a sa mo.

Demujipoana 2:19

Ama nɛ ejuŋkparpo na baŋ wu b naa bɛta nna a yɔ asheŋ alubi nɛ a chɔ amo nɛ bumo tutoana daa wora na gba to. Kumo e la fanɛ baa bɛ agbirana so nna a shuŋ amo nsaa kini kelar bumo be asheŋ jiga to.

Demujipoana 2:3

To, mee kaŋɛ menyi nna fanɛ m maa ba nɛ m ba ju bumo ŋkpal menyi so, ama baaŋ ki men doŋana nɛ bumo be agbir malɛ e ki ajigbelɛ n sa menyi.”