Nshɛ 106:24 - EBƆRƐ BE KAWƆL

²⁴ B daa maŋ yirda kɔnɔ nɛ Ebɔrɛ nase n sa bumo, fanɛ e beeŋ sa bumo bumo gbagba be kasawule na; amoso kasawule lela na be asheŋ daa maa tir bumo.

Nshɛ 106:24 ပူးပေါင်းရင်းမြစ်များ

Jɛnesis 25:34

Isɔɔ ka wora loŋ na nɛ Jeekɔb sa mo bodobodo nɛ mbe epo belbelso na be ako nɛ e ji nseŋ koso n choŋ. To, kananɛ Isɔɔ daŋ keni mbe kekurge to be kenimu jiga nna na.

Jɛremaya 3:19

Kumo be kaman nɛ Enyɛnpe Ebɔrɛ na kaŋɛ le: “Israɛl be basa, n daa sha keta menyi fanɛ ma mbia nseŋ sa menyi kasawule nɛ k beeŋ par menyi a walɛ a chɔ kasawule kikɛ durnya to. Ma alɛ naa sha fanɛ men baa tre ma men tuto nsaa maŋ naŋ lar ma kaman kikɛ.

Ezikɛl 20:6

Loŋ be kachɛ na nɛ e nase kɔnɔ fanɛ e beeŋ lara bumo Ijipt be efuli so n yɔ kasawule nɛ k kɔ kanya alegaiso nsaa wora adɔjibi ga nseŋ naa la kasawule nɛ k walɛ a chɔ nsawule kikɛ nɛ mo gbagba fin n yili bumo na so.

Nɔmbɛs 13:32

Nseŋ fara a sa Israɛlebi na efɛ be baru a yɔ kasawule na be kaplɛa so a kaŋɛ le: “Kasawule na gba maŋ la kudɔsawule lela nɛ esa beeŋ tiŋ n dɔ kumo so n nya adɔjibi nɛnɛ m bela basa nɛ b wɔ ndoŋ na. Basa nɛ an wu ndoŋ na malɛ kikɛ la basa tenteŋ gboŋgboŋi nna.

Nɔmbɛs 14:11

Ndoŋ nna nɛ Enyɛnpe Ebɔrɛ kaŋɛ Mosis le: “Emamachisheŋ damta nɛ n wora n sa basa ere kikɛ ere, b kraŋ kini keyirda ma nsaa keni ma jiga a?

Nɔmbɛs 14:2

nseŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “An daŋ wu Ijipt be kasawule so ŋko keshishɛrsawule ere so be kakpa ko gba, k daa beeŋ par anyi!

Nɔmbɛs 14:31

Menyi be mbia nɛ men yɛ baaŋ pɛ ŋ ki anya na nɛ meeŋ yɛra kasawule nɛ men kini na so nɛ k ki bumo peya.

Nɔmbɛs 14:9

Amoso men sa maŋ shin nɛ an kini kenu n sa Enyɛnpe Ebɔrɛ na. K maŋ daga an ka bee ŋana basa nɛ b wɔ ndoŋ na, ŋkpal manɛ so, Enyɛnpe Ebɔrɛ na wɔ anyi kutɔ, amoso b maaŋ tiŋ ŋ kɔ m pɔɔ anyi so.”

Matiu 22:5

Ama basa na daŋ kplaŋ ketre na so nna. Ede yɔ mbe ndɔ to nɛ ede malɛ choŋ mbe kushuŋ to.

Ditɛronɔmi 1:26

Ama men kini kewora Enyɛnpe menyi be Ebɔrɛ na kasonu nseŋ kini keyɔ kasawule na so.

Ditɛronɔmi 1:32

Ama asheŋ nɛ ŋ kaŋɛ menyi na kikɛ be kaman, men kraa maŋ bɛ Enyɛnpe Ebɔrɛ

Ditɛronɔmi 9:23

Kumo be kaman na, Enyɛnpe Ebɔrɛ na daŋ naŋ kaŋɛ bumo ashi Kadɛsh Bania nna fanɛ b yɔ n ya kɔ n sɔ kasawule nɛ e bee ta a sa bumo na, ama ŋkpal b ka maŋ yirda mo so, b lar mo kaman nna nseŋ kini kewora mbe mbraana kasonu.

Hibruwebi 12:16

Men baa de so nɛ ekama e sa maŋ kaa kɔ kesakalea be kebaawɔtɔ ŋko a wɔtɔ a kplaŋ abɔrɛsheŋ so fanɛ kananɛ Isɔɔ daŋ kpal kejibi koŋwule pati so n ta mbe kenimu be nɛfa n fa na.

Hibruwebi 3:12

Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.

Hibruwebi 4:14

An ka kɔ bɔrɛmatapo nimuso nɛ baa tre mo Yesu, Ebɔrɛ Pibinyɛn, nɛ e yɔ Ebɔrɛ gbagba be anishito na so, men shin nɛ an baa kɔ anyi be yirda nɛ anyee ji kumo be shɛda na be asheŋ to kpakpa.

Hibruwebi 4:2

Ŋkpal manɛ so, kananɛ baru lela na daŋ ba anyi to nɛ an nu kumo na gbagba na nɛ bumo alɛ gba daŋ nya kumo. Ama kumo alɛ daa maŋ wora bumo shɛŋ, ŋkpal manɛ so, b ka daŋ nu kumo na, b daa maŋ ta yirda n sɔ kumo.

Hibruwebi 4:6

Bumo nɛ b daŋ fara n nu baru lela na daa maŋ luri kewushi na to ŋkpal b ka daa maŋ kɔ kasonu so, ama basa ko kraa wɔtɔ nɛ b nya kewushi na to n luri.

Juud 1:5

N nyi men ka tea nyi asheŋ nɛ mee sha kekaŋɛ menyi ere kikɛ, ama mee sha kenyiŋi menyi kananɛ Enyɛnpe daŋ mɔlga mbe basa Israɛlebi ashi Ijipt be kasawule so nna. Kumo be kaman nɛ e mur bumo to be bumo nɛ b daa maŋ yirda mo na.