Nshɛ 106:1 - EBƆRƐ BE KAWƆL

¹ Men kpaŋ Enyɛnpe Ebɔrɛ na! Men ta kechɔrɔ n sa Enyɛnpe Ebɔrɛ, ŋkpal manɛ so, e walɛ nna nɛ mbe kasha malɛ maa chɛrga hale mbaanaayɔ.

Nshɛ 106:1 ပူးပေါင်းရင်းမြစ်များ

1 Kronikɛls 16:34

Men ta kechɔrɔ n sa Enyɛnpe Ebɔrɛ ŋkpal manɛ so, e walɛ, nɛ mbe kasha malɛ wɔtɔ mbaanaayɔ.

1 Kronikɛls 16:41

Heman nɛ Jedutum e daa la bumo be bechɛtopo, n ta bumo nɛ b daŋ lara fanɛ b baa boŋ nshɛ a maŋkura Enyɛnpe Ebɔrɛ ŋkpal mbe kasha ka maŋ kɔ ekarso na n ti so.

Ɛzra 3:11

Le be kapandi be kashɛ nɛ b daa boŋ a fur Enyɛnpe Ebɔrɛ na: “Enyɛnpe Ebɔrɛ na walɛ; Kasha nɛ e kɔ n sa Israɛl na maŋ kɔ ekar.” Ndoŋ nna nɛ basa na kikɛ fara a kpaŋ Enyɛnpe Ebɔrɛ na awɔrso, ŋkpal b ka tɔl mbe lambu na be gbaltɔlase so.

Nshɛ 103:17

Enyɛnpe Ebɔrɛ na bee lara mbe kasha nɛ k maa chɛrga na a ŋini bekama nɛ baa bunyaŋ mo mbaanaayɔ nna; mo alɛ nsaa wora a bɔlɔ mbe nnɔ naseso so a sa bumo be kaman to ebi

Nshɛ 105:1

Men baa di Enyɛnpe Ebɔrɛ na epaŋ nsaa kule Ebɔrɛ ashi mbe ketre to! Men baa kaŋɛ efuli kikɛ so ebi kusɔ nɛ e wora be asheŋ.

Nshɛ 105:45

E wora loŋ nna nɛ mbe basa e baa wora mbe mbraana kasonu. Men kpaŋ Enyɛnpe Ebɔrɛ na!

Nshɛ 107:1

Men di Enyɛnpe Ebɔrɛ na epaŋ, ŋkpal manɛ so, e walɛ, nɛ mbe kasha nɛ k maa chɛrga na, malɛ wɔtɔ mbaanaayɔ.

Nshɛ 118:1

Men di Enyɛnpe Ebɔrɛ na epaŋ, ŋkpal manɛ so, e walɛ nɛ mbe kasha nɛ k maa chɛrga na malɛ wɔtɔ mbaanaayɔ.

Nshɛ 119:68

Fo la esa lela nna nɛ fo asheŋ woraso kikɛ la asheŋ lela; amoso ŋini ma fo mbraana.

Nshɛ 135:3

Men kpaŋ Enyɛnpe Ebɔrɛ na, ŋkpal e ka la esa lela so. Men boŋ nshɛ ŋ kpaŋ mbe ketre, ŋkpal k ka bee par mo so.

Nshɛ 136:1

Men baa di Enyɛnpe Ebɔrɛ epaŋ ŋkpal e ka la esa lela so; mbe kasha nɛ k maa chɛrga na malɛ maa wora shɛŋ a gben.

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Matiu 19:17

Nɛ Yesu bishi mo: “Manɛ e ba nɛ fee bishi ma kelela be asheŋ? Esa koŋwule e baa la elelapo. Nɛ fee sha keluri ŋkpa na to, baa bɛ mbraana na so.”

1 Tɛsalɔnikaebi 5:18

Men baa chɔrɔ Ebɔrɛ kebaawɔtɔ kama nɛ men wɔtɔ to, ŋkpal manɛ so, kusɔ nɛ e bee sha nɛ men baa wora Yesu Kristo to nna na.