Nshɛ 105:5 - EBƆRƐ BE KAWƆL

^5-6 Menyi nɛ men la Eebraham nɛ e shuŋ Ebɔrɛ na, nɛ Jeekɔb nɛ Ebɔrɛ lara dra dra na mo nanabiana na, e baa nyiŋi Ebɔrɛ be mamachi be asheŋ woraso nɛ kananɛ e bee ji asheŋ nɛ amo be ekpa so be asheŋ.

Nshɛ 105:5 ပူးပေါင်းရင်းမြစ်များ

Nshɛ 103:2

Meeŋ ta ma kagbene kikɛ ŋ kpaŋ Enyɛnpe Ebɔrɛ na! Ma alɛ maaŋ teŋ asheŋ lela nɛ e wora ma na kikɛ so.

Nshɛ 119:13

Meeŋ bugi kɔnɔ ŋ kaŋɛ beko awɔrso fo mbraana nɛ fo sa na kikɛ be asheŋ.

Nshɛ 40:5

Enyɛnpe Ebɔrɛ, fo wora emamachisheŋ damta. Ŋkre nɛ fo kɔ n sa anyi shi m pɔɔ anyi be nfɛra so. Esa kama maŋ du fanɛ fo. M maaŋ tiŋ ŋ kute fo asheŋ woraso kikɛ.

Nshɛ 77:11

Enyɛnpe Ebɔrɛ, meeŋ baa nyiŋi fo asheŋgboŋ nɛ emamachisheŋ nɛ fo wora dra dra na be asheŋ.

Nshɛ 77:12

Meeŋ baa fɛ asheŋ tumase nɛ fo wora na kikɛ be asheŋ.

Luuk 22:19

Kumo be kaman nɛ e ta bodobodo n chɔrɔ Ebɔrɛ n loge nseŋ bu kumo to n ta a sa bumo nsaa kaŋɛ le: “Ma eyur nɛ ŋ kɔ a sa menyi nde.

Ditɛronɔmi 32:7

Men laŋɛ menyi be nfɛra n yɔ dra na be nchɛ so; men bishi basa nɛ b kurge menyi na kusɔ nɛ k daŋ wora, nseŋ naŋ bishi basa kpar nɛ b kaŋɛ menyi adrasheŋ.

Ditɛronɔmi 8:2

Men baa nyiŋi kananɛ Enyɛnpe menyi be Ebɔrɛ na juŋkpar menyi ashi keshishɛrsawule so be enite tenteŋ to nfɛ adena nɛ a choŋ ere kikɛ. E daa sha kepin nna fanɛ kashenteŋto nɛ menyee sha kewora mo kasonu nseŋ ta menyi be amu n to mo so a?

Kelaraŋŋini 16:7

Nɛ n nu ebɔl ka shi bɔrɛsure na akpa ŋ kaŋɛ: “Enyɛnpetale Enyɛnpe Ebɔrɛ, fo demuji kɔ kashenteŋ nseŋ niŋi pasaa.”

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”